Kabanata 26

Kabanata 26

NAPATANGA si Odette kay Ammiry. Ano raw sinabi ng anak niya? Sabi raw ni Helios ay maganda siya?

Okay.

Malamang sinabi lang yun nun dahil makulit ang anak niya.

“Nakakahiya naman, ‘Nak. Parang lagi mong kinukulit si Sir Helios,” sabi niya rito.

“Hindi po siya gagalit, Mama. Bukas susundo niya raw po ako sa school.”

“Naku po!” Napatutop siya sa noo pero pinagtawanan lang siya nito, “Kakahiya na yun, bibi. Maraming ginagawa si Sir Helios. Busy siya. Pwede naman si lolo Agosto na lang ang magsundo sa iyo, kasama si lola.”

“Siya po may gusto, Mama.” Giit naman nito pero sumimangot siya.

“Huss,” aniya naman dito pero tawa lang ito nang tawa, “Matulog ka nga. Mamaya ipapaasawa na kita kay Sir Helios.”

“Ikaw po aasawa kay Tito Heyos kasi tanda na po siya.”

Natawa siya na sobra sa sinabi nito, at kahit lola niya ay narinig niya ang pagtawa.

“La, iniiwan niyo po yata si bibi mag-isa kay Sir Helios,” nag-aalala na sabi niya sa matanda.

“Mabait si Helios, apo. Nandito naman ako parat