Chapter 7

---------------

Inis na ibinaba ni Gab ang binabasang aklat tungkol sa mga guidelines para sa mga kakapanganak na sanggol.

Inis siyang bumuga ng hangin at bahagya pang napanguso habang nakatingin sa kanyang bagong cellphone na bigay ni Khent sa kanya.

"Na-miss daw niya kami pero hindi man lang makuhang tumawag." Kinuha niya ang cellphone at binato iyon sa itaas ng unan niya.

Sa laki ng kama niya ay mas lalo tuloy siyang na-bored. Hindi naman siya makapunta sa guard house dahil nakauwi na si Manong Ben. At may iba ng pumalit sa puwesto. At naiilang naman siya sa taong yon. Hindi kasi tulad ng matanda na pala-kwento at madaling malapitan dahil malayo ka pa lang nakangiti na.

"Anong gagawin ko?" tanong niya sa sarili.

Kakatulog pa lang niya at hindi na siya inaantok. Hindi din siya nagugutom.

Ngayon lang niya nalaman na nakakabaliw pala ang mag-isa.

Dati kasi noong nasa puder pa siya ng bahay nila kasama ng madrasta niya kahit hindi siya gusto ng mga kapatid niyang lalaki at palagi pang sinasaktan ay hindi naman siya nakaramdam ng ganito. Iyong pakiramdam niya nag-iisa lang siya at walang makausap.

Hindi niya maiwasang maalala ang pamilya niya kung kumusta na kaya sila. Wala siyang narinig dito halos anim na buwan na ang lumipas.

Lihim pa rin niyang pinagdasal sa maykapal na sana nasa mabuting kalagayan pa rin sila. At sana hindi nito pinapabayaan ang bahay nila na mula pa sa mga yumao niyang mga magulang.

Gusto sana niyang dalawin ang mga ito at nagpaalam na siya kay Khent pero hindi naman sinasagot nito ang text niya.

Nagbihis siya at naligo.

May naisip siyang plano.

Halos mag-iisang linggo na kasing hindi umuuwi ang binata at isang beses lang tumawag sa kanya.

Medyo malungkot pa ang boses nito dahil hindi ito makakauwi. Kaya naisipan niyang dalawin ang binata sa sariling kompanya nito.

Napahagikhik siya.

Iniisip pa lang niya ang magiging reaksiyon nito para na siyang kinikilig.

Ewan niya!

Lalo na at naalala pa niyang naging isang Mrs. Antipuesto na siya.

Hanggang ngayon ay hindi pa rin siya makapaniwala dahil parang wala lang namang nangyari. Pumirma lang siya tapos, voila! Nagiging Gabrene Sales Antipuesto na siya.

Napailing-iling na siya.

"Sinong niloloko niya? Papel lang yon. Akala niya maloloko niya ako." Sabi niya sa sarili habang nasa ilalim ng shower.

Siyempre, pumirma lang siya. Walang singsing at walang kasalang naganap.

Sinong niloloko ng binata?

Naisip niyang baka ginawa lang yon ni Khent dahil para hindi niya maisipang tumakas pa.

-------

"Oh my God!"

Di mapigilang bulalas ni Gab habang parang mababali na ang leeg na tinitingnan ang sobrang taas at kumikintab na glass building sa harapan niya.

Napanganga siya.

Ganito pala ka-yaman ang binata.

Alam niyang mayaman naman talaga ang binata lalo na at ang bahay rin nito ay sobrang laki pa at mamahalin.

Pero sa nakita niya sa harapan ngayon ay halos malaglag ang panga niya.

Mas mayaman pa pala ito sa iniisip niya.

Inayos niya ang sarili.

Naka-simpleng itim na leggings lang siya at binagayan ng bestidang puti na may guhit pang butterfly sa dibdib niya na hindi umabot sa tuhod ang taas.

Dahil sa suot niya ay mahahalata na ng mga tao na isa siyang buntis.

"Ouch!" Sigaw ng isang babae na bumangga sa likuran niya.

Lumingon siya.

Inis siya nitong tiningnan mula ulo hanggang paa.

Nanliit siya sa sarili nang mapagmasdan ang pamilyar na babae.

Nakasuot ito ng pulang dress na hapit na hapit sa katawan at pulang stilleto sandal na sobrang taas. Pula rin ang labi nito. Maalindog ang ganda. May hawak itong cellphone sa tainga.

"Excuse me?! What are you doing here?!" Maarte nitong tanong sa kanya na bahagya pang paarteng itinaas ang isang kamay na may itim na bag na nakasabit sa braso.

"Ah... Sorry po." Yumuko siya.

"I don't need your apology! Just get out of my way!" Sabi nito sa kanya at bahagya ulit siyang binangga sa balikat bago siya nilampasan at pumasok sa loob ng building.

Dahan-dahan siyang tumungo at tiningnan ang maarteng babae na parang bulateng naputulan ng kalahati. Pagiling-giling kasi maglakad.

"I don't need your apology! Just get out of my way!" Panggagaya niya.

"As if naman ako bumangga sayo! Kakairita ka! Maganda ka sana! Wala ka namang modo!" Parang baliw na sabi niya at itinaas pa ang kamao sa ere.

Naghintay pa siya ng ilang segundo bago pumasok rin sa building.

Napanganga na naman siya ng makita ang nasa loob. Ang linis at ang kintab. Idagdag pa ang malaking chandelier na nagsisigaw ng mga gold at diamonds sa mataas na kisame.

"What?! Are you kidding me?! Don't you know me?!"

Napatingin siya sa babaeng bumangga sa kanya kanina. Masyado itong maldita.

"Ma'am pasensiya na po pero kung gusto n' yo po talagang makausap ang CEO in private. Magpa-schedule na lang po kayo ng meeting ma'am." Sagot ng babae at ngumiti pa saka binigay dito ang isang folder.

"Are you serious?! 2030?! It's eight years from now! Are you playing with me?! "

"Masyado po kasing busy si Sir these days. And full po ang mga schedules niya."

Nag-cross ng mga braso ang babae.

"Huh! Full in eight whole f*cking years?! Do you really not know me?!"

"With all due respect ma'am. Sikat po kayo no'ng pinakasalan n'yo si Sir. Kaya kilala ko po kayo. Nawala nga lang no'ng nag-divorce na po kayo."

Hindi niya mapigilang matawa sa narinig.

Ang liit naman ng mundo!

Kaya pala pamilyar ang babae sa kanya.

Lovely Jane Versoza.

Lumingon ang babae sa kanya.

"What are you doing here?" Tanong sa kanya ni Lovely pero hindi na niya napansin nang tanungin siya ng babae.

"Excuse me, ma'am. May maitutulong ba ako sa inyo?" Magalang na tanong ng babae sa kanya.

Natigilan siya at kinakabahang lumapit.

"Hmm... ma–uhm... Dadalawin ko sana ang kaibigan ko... pero hindi ko po alam kung saang floor. Ang laki kasi."

Natawa naman ang babae sa kanya.

"Hmp! Halata naman kasi." Sabi ni Lovely na parang nanlait pang siyang tiningnan.

"Ano pong pangalan ng kaibigan n'yo ma'am?"

Maingat siyang lumapit sa desk at medyo pabulong pang sumagot.

"Si... Lord Khent Antipuesto."

"Okay, pangalan n'yo po."

"Ah... Pakisabi Gabrene Sales." Sagot niya.

"Okay, one minute po."

Lumingon siya at nang-aasar na tumingin sa ex-wife ni Khent.

Ngumiti siya. Iyong tipong parang panalo na siya.

Naiinis kasi siya sa babaeng ito. Mabuti na lang dini-vorce ng binata.

Tiningnan naman siya ng masama ni Lovely na para bang sinasabing 'dream on'.

"Ay ma'am pasensiya na po pero wala pong kilala si Sir na Gabrene Sales–"

Lumaki ang mga mata niya sa narinig at parang nahulog ang panga niya.

"Ano?! Initsapwera ako ng gagong CEO n'yo?!" Malakas na sigaw niya.

Napahiya pa tuloy siya sa harap ng ex-wife nito.

Maarte itong tumawa sa harap niya.

"Pero may asawa daw po siyang kilalang Gabrene Antipuesto."

Mas lalong nanlaki ang mga mata niya. Uminit ang pisngi niya sa sinabi ng babae.

Oh my God! Anong nakain ng unggoy na yon? Hindi man lang nahiyang sabihin yon gayung kilala siyang tao at sa harap pa mismo ng ex-wife niya.

"Sabihin mong ako nga! Huwag mo lang intindihan ang unggoy na yan. Nababaliw na yan!" Sabi niya na kinatawa naman ng babae.

"Huy assumera! Hindi ka niya papatusin gayong nagmumukha kang dugyot! Mahiya ka nga–"

"Bababa po daw siya ma'am. Pakihintay na lang po sa cafeteria."

"What?! Are you kidding me?!" Kontra ni Lovely.

Nahihiya siyang tumango at nagulat pa ng may dalawang lalaking nakasuot ng itim na suit at may mga earpiece sa tainga ang lumapit sa kanya.

Nagtatanong na tumingin siya sa babae. Dahil akala niya huhulihin na siya. Pero ngumiti lang ito sa kanya. Doon lang niya napagtanto nang magsalita ang isang lalaki.

"Gagabayan po namin kayo ma'am." Sabi nito.

Nahihiya siyang tumango habang napahawak sa tiyan niya.

Lalakad na sana siya nang biglang siyang hilahin sa buhok ni Lovely kaya natumba siya.

"How dare you?! Hindi n'yo ba ako kilala?! Ako ang ex-wife ng may-ari nitong kompanyang to! How dare you let a poor and lowly woman let her meet him when I, the wife was given after eight years of that f*cking schedule?! Is this what you repay me after I let you all in, in this huge company?! Wala ba kayong mga utang na loob?! Ako ang isa sa mga dahilan kung bakit kayo nakakatrabaho sa kompayang to!" sigaw ni Lovely.

Mabilis namang gumalaw ang dalawang lalaki.

Hinawakan ng isang lalaki si Lovely habang ang isa naman ay tinutulungan si Gab na tumayo.

Napapikit siya dahil sa sakit ng puwet at ng bandang puson niya.

"Don't touch me! Why are you doing this to me when you are supposed to do that to her?! She's crazy! She's–"

"She's my f*cking WIFE! So BACK OFF!" Malakas at galit na sigaw ng pamilyar na boses.