Chapter 19

Ilang sandali pa ay lumabas si Alexander mula sa pintuan ng banyo. Lalong sumamâ ang mukha nito ng makita ang ibon na nakapasok na sa loob ng kanilang silid. Nagdadabog na humiga na lang siya sa kama, kaagad namang sumampa si Zanella sa king size bed ni Alexander at labis siyang namangha ng kumubog ang kanyang katawan dahil sa sobrang lambot nito. Sa labis na katuwaan ay nagtatalon pa ito kaya mas lalong nairita si Alexander dahil pakiramdam niya ay may kasama siyang abnormal.

“Could you please stop jumping on my bed!” Naiinis na sabi nito sa kanyang asawa. Huminto si Zanella at pumwesto sa kanyang harapan, hindi alintana ang galit ng kanyang asawa maging ang pagsinghal nito sa kanyang dahil hindi naman niya nauunawaan kung ano ang sinabi nito.

“Bakit hindi natin gawin kung ano ang ginawa namin ni lolo pagkatapos ng kasal namin?” Nakangiting pahayag ni Zanella, nang matitigan ni Alexander ang inosenteng mukha ng dalaga ay lumambong ang ekspresyon ng mukha nito.

“Hindi kasalanan