Chapter Three: First Warning

Stella

"Hi, good morning!" Bungad ko kay Jaxon ng makita ko ang pagbaba niya sa hagdan namin kaya sinalubong ko siya ng matamis na ngiti dahilan para matulala siya.

Gusto ko kasing maging komportable kami sa isa't-isa. Ayoko namang mag-iwasan dahil lalong maging awkward kaya ako na mismo na ang nag-adjust. Baka kasi mahirapan si Jaxon kapag siya pa ang gumawa niyon.

"Ahm… papasok ka na ba?" Pagtatanong ko dahil nakita kong nakabihis opisina na siya, kaya tumango siya at umiwas ng tingin. Kaya napatango na lamang ako at walang pag-aalinlangan hinawakan ang dalawang balikat niya at hinigit siya sa lamesa para sabay kaming kumain.

Nasanay na kasi akong kakain sa umaga kaya nagtataka ako dahil parang gulat na gulat si Jaxon sa nakikita niya ngayon. Lahat kasi ng nakahanda sa harapan niya ay paborito niya. 

"How did you know?" Pagtukoy niya sa mga pagkaing nakahain sa harap niya ngayon kaya proud na proud kong itinaas ang magazine na hawak ko kung saan nakasaad lahat dito ang tungkol sa kanya.

Dahil sa ginawa kong 'yon ay nakita ko ang pagdaan ng saya sa mata niya at ang pagpigil niya ng ngiti. 

"Since mag-asawa na tayo. Gusto kitang makilala," paliwanag ko at naramdaman kong namula ang pisngi ko dahil sa sinabi ko. Hindi ko alam pero nahiya agad ako ng makita ko ang reaction niya sa narinig sa akin.

"Wow! Really?" Ramdam ko ang tuwa sa boses niya kaya peke akong tumawa at tumango-tango. Kung pwede lang magpakain sa lupa ay ngayon ko na mismo ipapagawa dahil sa kahihiyang nararamdaman ko sa harapan ni Jaxon.

"Let's eat. Baka lumamig pa sayang naman." Pag-iiba ko ng usapan kaya tumango naman si Jaxon at palihim ko siyang pinagmamasdan habang tinitikman niya ang niluto ko para sa kanya.

Sana ay nagustuhan niya dahil siya ang kauna-unahang taong nakatikim ng luto ko. Habang kumakain ako ay napaisip naman ako sa reaksyon niya kanina.

Kitang-kita ko kasi sa mga mata niya na parang nabigla at nanibago pa siya sa mga nakita niya. Hindi kaya siguro sanay si Jaxon na may kasama kaya ganun na lamang ang ipinakita niya.

"Jaxon, nanibago ka bang kasama mo ako? Kitang-kita kasi kanina, eh." Hindi ko na mapigilang bulalas kaya napatigil siya sa pagsubo at napatitig sa mga mata ko.

Ito na naman ang pakiramdam ko na parang lumulutang kapag tinititigan ko ang mga mata niya. Ang ganda-ganda kasi tapos ang misteryoso pa, hindi mo mabasa ang nasa isip niya.

"Yes, I mean nanibago lang ako na may nag-aasikaso na sa akin. Buong buhay ko kasi ay ako lamang ang nag-aasikaso ng sarili ko." Paliwanag niya dahilan para matigil ako sa pagkain at mapatitig sa kanya.

"Then from now on, masanay ka na." Nakangiting saad ko dahilan para matigilan siya at tipid na ngumiti. Palihim na lamang akong ngumuso dahil ang tipid niya talagang magsalita.

Kung ano ang tinanong mo ay iyon lang din ang isasagot niya. Dibale na masasanay rin ako kay Jaxon.

"How about you? Wala ka bang photoshoot ngayon?" Pang-uusisa niya kaya uminom muna ako ng tubig bago sumagot sa kaniya. 

"Mamaya pa namang 10. May 3 hours pa akong natitira," maikli kong sagot kaya napatango na lamang siya at tumayo na kaya napatayo na rin ako. 

"Take care on your way to the photoshoot, Stella. Text me kung nakarating ka na," saad niya pero bago pa siya tuluyang makalabas ng kusina ay bigla kong hinarang ang katawan ko dahilan para kumunot ang noo niya.

Ano ba 'yan! Kahit sa pagkunot ng noo ay sobrang gwapo niya pa rin. Isa ba siya sa mga favorite ni Lord?

"Why? Is there something wrong?" Bakas ang pag-aalala sa boses niya kaya marahas akong umiling at inayos ang maling pagkakalagay niya sa tuxedo niya. Nang makita kong ayos na ay napangiti na lamang ako at inangat ang paningin ko para tingnan siya.

Pero gusto ko yatang magsisi sa ginawa ko dahil kitang-kita ko ng malapitan ang itim na itim niyang mga mata. Matagal ang naging titigan namin kaya ako na ang unang umiwas dahil sa kakaibang pagtibok ng puso ko. 

"Ayan, pwede ka ng pumasok sa trabaho mo. Take care on your way to the company, Jaxon." Habilin ko at akmang tatalikod na ng maramdaman ko ang paghigit niya sa braso ko at pinaharap sa kanya. 

"What are you doi-" Nahigit ko ang hininga ko sa sunod na ginawa ni Jaxon. Halos gusto ng lumabas ng puso ko dahil sa ginawa niya sa akin. Halo-halong emosyon ang nararamdaman ko ngayon. 

He kissed me on my forehead.

"Thank you, Stella. I appreciate your effort." Saad niya at tuluyan na akong iniwan na tulala sa kusina.

…

"Stella!" Nabalik ako sa reyalidad ng marinig ko ang pagsigaw ng manager slash kaibigan ko sa harapan ko. Kaya ngumiti ako at kunwaring nakikinig sa kaniya dahilan para irapan niya ako.

"Huwag ka ngang magpanggap na nakikinig ka sa akin. Baka masabunutan lang kita." Ramdam ko ang inis sa boses niya kaya natawa ako at nangalumbaba.

"I'm sorry, napagod lang kasi ako sa photoshoot natin ngayong araw," dahilan ko para lumambot ang ekspresyon niya at inayos ang inuming nasa harapan namin.

"So, anong balita sa unang araw?" Pang-uusisa niya kaya kumunot ang noo ko dahil hindi ko maintindihan ang ipinapahiwatig niya.

"Ha? Pinagsasabi mo?"

"Alam mo Stella, kung pwede ka lang sakalin nagawa ko na ngayon. Ang slow mo, kagigil ka!" Ramdam ko ang irita sa boses niya kaya malakas akong natawa. Dahil doon ay pinagtitinginan tuloy kaming dalawa.

"Joke lang. He's nice and gentle-" Naputol agad ang sinasabi ko ng hinampas niya ako sa braso at malakas tumili kaya napatakip ako ng tainga dahil naririndi ako.

"He's gentle in bed? Naisuko mo na ang bataan mo?!" Histerikal niyang pagtatanong kaya hindi ko maiwasang mamula at tampalin ang bibig niya.

"Watch your words, Lara! I mean he's a gentleman at saka anong bataan? My Gosh! Kung ano-ano ang naiisip mo." Namumulang saad ko kaya napanguso siya at bagsak ang balikat sa narinig. 

"So, walang nangyari sa pagitan niyong dalawa?" Pag-uulit niya pa kaya napahawak ako sa noo at mariing napapikit.

"Wala! Kaya pwede ba hinaan mo muna 'yang boses mo. Nagtataka na sila kung ano ang pinag-uusapan natin." Gigil kong bulong kaya muling umikot ang mga mata niya at sa wedding ring ko naman dumako ang paningin niya.

"Pero sobrang rare ng wedding ring mo. Para bang pinasadya talaga, saktong-sakto pa talaga sa daliri mo. Umamin ka nga sa akin, Stella. Matagal na ba kayong magkakilala ni Jaxon at pinalabas niyo lang na arrange marriage lang ang kasal niyo." Pangungulit niya kaya muling sumama ang tingin ko sa kanya pero tinaasan niya lamang ako ng kilay. 

"Fine. Alam mo naman na nitong nakaraang buwan lang ako umuwi, right?" Panimula kaya napakamot siya sa ulo niya at natawa. 

"Oo nga pala, tapos ito agad ang bumungad sa'yo. Nakasal ka kaagad sa isang Jaxon Azrael Buenaventura na bilyonaryo at sobrang gwapo!" Kinikilig niyang saad at pumapadyak-padyak pa ang paa kaya napailing na lamang ako.

"Pwede ba, itong trabaho muna ang intindihin natin. Mamaya mo na pinagpapantasyahan si Jaxon," saad ko kaya tumango siya at tumayo na ako dahil muli na naman magsisimula ang shooting namin.

Pero bago pa man ako makaalis sa pwesto ko ay nabigla na lamang ako ng hawakan ni Lara ang braso ko at seryosong tumitig sa akin.  

"Cassiopeia," seryosong tawag niya kaya naging seryoso na ako dahil ang unang pangalan ko ang binanggit niya. Ang ibig sabihin lang niyon ay may mahalaga siyang sasabihin kaya kailangan kong makinig.

"Kahit alam nating pribado ang naging kasal niyo ni Jaxon ay maging maingat ka pa rin. Because you're now the billionaire's secret."

After hearing those words to her, iisa lang ang tumatakbo sa isip ko ngayon. This is my first warning as a billionaire secret.