Chapter 251

Saktong umulan habang nasa ere ang lahat. Dahil minsan lamang magpatakbo si Shianna nang helicopter ay nahihirapan siyang kalabanin ang ulan. Gayunpaman, napagtagumpayan niya ito nang ang helicopter ay nakarating sa malapit na isla mula sa UNB. Tulad ng nasa plano, dumiretso si Shianna sa paglipad habang ang helicopters ay bumaba sa lupa. Tumingin si Shianna sa ibaba. Tulad nga ng sabi ng secretaries ay may mga motor boat ang nasa isla.

Tumingin si Shianna sa maulang kalangitan. Habang papalapit sa impyernong destinasyon ay unti-unting nawawala ang takot sa kan'yang puso at mga mata. Mayamaya lamang, kasabay ng mas paglakas ng ulan ay ang pagsilay ng isang malaking barko sa dagat. Sinipat ni Shianna ang barko upang makita lang si Sullian na diretsong nakatitig sa kan'ya. Halos mawalan siya ng control sa helicopter pero mabuti ay nagtagumpay siya.

Maingat na inilapag ni Shianna ang helicopter sa roofdeck. At nang makababa na ito ay nakahawak pa rin siya sa controller. Naninigas ang kan