Chapter 7 (Part 24)

"Actually" —napatingin siya sa mga city lights— "hindi agad ako nakapunta rito sa Kalinga dahil nag-away kami ng asawa ko. So I decided na isang araw akong hindi magparamdam para kumalma naman ang dugo niya. I don't want him to follow me here." Bumuntong-hininga siya. "I just wanna get out of this messy life."

"I see..." Umalis ako sa pagkakasandal sa konkretong harang at hinarap din ang tanawin. Tumabi sa akin si Solei at sabay kaming natahimik.

"Shianna..." Tinanaw niya ang araw na halos lumubog na. " Simula ngayon ay mag-s-stay na ako rito sa Kalinga."

Saglit akong hindi nakapagsalita sa inanunsyo ni Solei. Pinatong ko ang aking siko sa harang at saglit na nag-isip.

"Shianna?" untag niya nang mapansing hindi agad ako nakapagsalita.

"Solei..." Humugot ako ng malalim na paghinga. Hinarap ko siya at malungkot na ngumiti. "Aalis na ako rito sa Pilipinas."