Chapter 8 (Part 11)

"Shianna?" Nanlaki ang mga mata ni Solei. At awtomatiko siyang napangiti nang mapagtanto na ang kaibigan nga ang kan'yang nakikita. "Ikaw nga!"

Solei looked at the kid. And as if on cue ay tumunog ang bell ng Kalinga School. Lumayo sa kan'ya ang bata na inayos ang pagkakasukbit sa dalang bag.

"Sana magkita po tayo mamaya." Ngumiti ito at nilingon si Shianna. "Pasok na po ako sa klase, Mama."

"Galingan mo!" Itinaas ni Solei ang kan'yang kamao na tinugunan naman ng bata ng isang tipid na ngiti at tango. Nang maglakad palayo ang bata ay saka hinarap ni Solei si Shianna.

"Shianna!" Malawak siyang ngumiti at patakbo itong niyakap. Niyakap din siya pabalik ni Shianna na nakita niyang banayad na nakangiti. "Na-miss kita! Pero bakit nandito ka pa rin sa Pilipinas? Hindi ba ay umalis ka na noong nakaraang gabi?"

"Hindi natuloy." Sumimangot si Shianna at naglayo sila ni Solei. "Anyway, nab