Chapter 8 (Part 9)

"What is happening here?" Nabigla ako nang may marahang humawak sa mga balikat ko at hinatak ako palayo. Napasandal ako sa katawan ni Cayer na siyang humatak sa akin palayo. Awkward akong ngumiti habang siya ay matalim na tiningnan si Hudson. Napatingin din ako sa huli at awkward akong ngumiti nang makitang mukhang magsasakitan na ang dalawa.

Awkward akong tumawa. Problema ng dalawang ito? May nangyari ba sa kanila na hindi ko nalalaman?

Parang hinugot sa kailaliman ng lupa ang mga galit nila.

"Ehem," tikhim ko. "Tama na 'yan."

Sabay na napatingin sa akin ang dalawang lalaki na may madilim pa ring mukha. Awtomatikong napataas ako ng dalawang mga kamay at napaatras ako. "S-Sige, mag-away kayong dalawa. Pero roon sa labas, magigising ang mga bata."

Sabay na bumuntong-hininga ang dalawa. Kumalma na rin si Cayer at nilabas ang pile ng letters na inabot niya sa akin.