15

“Yaya Charinda, hindi ka ba masaya para kay Yaya Bren?” tanong ng isang yaya na hindi pa rin niya alam ang pangalan.

Bumalik ang isipan ni Charinda sa kasalukuyan. Isa-isa niyang tiningnan ang mga babae. They seemed the friendly type. Siya lang naman itong may sungay. Bagsak sa social gatherings.

“Pwede mo bang ipakilala ang sarili mo?” tanong niya. Hindi niya gustong makipag-usap sa taong hindi naman niya kilala.

Inabot nito ang kamay sa kanya. “Yaya Haidee.”

Bigla niyang naalala ang female weightlifter sa bansa na nagbigay ng maraming medalya sa bansa. Malaki din ang katawan ng sinasabing Yaya Haidee. And the way she looked at Charinda felt like she will spank her the moment she told something the woman did not want to hear.

“Yaya Haidee, right?”

Tumango ang babae. “Tama. Ikaw naman si Yaya Charinda. Matagal ka na naming napapansin dito habang naghihintay ka sa alaga mo. Naawa kami sa iyo dahil mag-isa ka lang kaya base na rin sa suhestiyon ni Yaya Bren, lumapit na kami sa iyo. Mu