Epilogue - Part 1

Gaden's POV

"Tag-singko, tag-singko, tag-singko na lang!"

" Sibuyas, kamatis, bawang, luy-a, tag-singko, tag-singko na lang!"

"Bili na mga Ma'am, mga Sir, tag-singko na lang!"

"Miss beautiful, may discount dalawang supot sampong piso na lang!"

Ito ang sinisigaw ko kapag nagtatawag ng mga customer dito sa palengke.

Katatapos lang ng klase ko sa hapon at dito ang ruta ko sa Bangkerohan public market ngayon. Mula sa Magallanes Elementary School, nilalakad ko lang ang papunta dito sa palengke para maninda ng sari-saring gulay at mga rekado para kahit papano makatulong ako sa mga gastusin namin ni Mama.

Maliit pa lang mulat na ako sa kahirapan. Kung saan-saan kami napapadpad ni Mama at nitong huling tatlong taon dito kami sa Davao. Wala akong permanenteng kaibigan dahil wala kaming permanenteng bahay.

I grow up not knowing my father. Kami lang dalawa ni Mama ang magkasama noon pa pero ni minsan hindi ko siya tinanong kung saan ang tatay ko. Masaya na ako kahit kaming dalawa lang ni Mama