Kabanata 27.1

“Mommy aalis na po kami!” sigaw ng dalawa kong anak, nasa kusina kasi ako at may ginagawa.

“Ingat kayo!” sigaw ko rin sa kanila. Tanging opo na lang ang narinig ko sa kanilang dalawa. Kahit tanghaliin na akong pumuntang kompanya ni Samuel o sa office ni Shine. Wala naman akong appointment ngayong araw kaya okay lang na tanghaliin.

Kumain na lang ako saka nagtungong kwarto para maligo. Alas dyes na ng makalabas ako sa kwarto ko, kinuha ko naman na ang bag at cell phone ko para aalis na ako ng magring ang cell phone ko at si Shine iyun na natawag.

“Yes hello?”

“Nasaan ka na ba?! Bakit tanghali na wala ka pa rin?!” nailayo ko na lang ang cell phone ko sa tenga ko dahil sa sigaw niya. Ano bang problema at ang aga aga ay sumisigaw siya?! Saka kailan ba siya nagalit kapag tinatanghali ako, minsan nga alauna ko na siya puntahan sa opisina niya eh! Ano bang ganap ng babaeng ito at kung makasigaw akala mo taga kabilang bundok yung kausap.