Chapter 10

ISA

HINDI ako mapakali habang nakaupo sa gilid ng kama ng anak ko. Kauuwi lang namin ni Uno at saktong naabutan kong natutulog si Alas.

"Let's talk."

"Ayaw kong lumabas," mabilis kong sabi sabay baling sa anak ko.

Ayoko na dalhin niya ako sa kuwarto niya. Baka anong milagro na naman ang magawa namin.

Bumuntonghininga siya at saka naupo sa dulo ng kama. Tutok na tutok sa akin. "Why did you lie to me?"

Pahamak talaga itong si Alicia! At bakit ba kasi kailangang sundan pa ako nitong Uno na ito? Nabuking tuloy ako.

Wala kong balak sumagot kaya nanatiling tikom ang bibig ko.

"Kanina pa kita tinatanong."

Tiningnan ko ang mukha ni Uno. Gusto kong makita kung galit ba siya, pero wala naman akong mabakas na galit o kahit katiting na inis sa mukha niya. He actually looked... happy?

"Okay, I'll change the question then. May asawa ka ba?"

Kagat-labi akong umiling. Nakakainis! Nakakahiya! Nagmukha tuloy akong kawawa.

"May nobyo?"

Umiling lang din ulit ako.

"May lalaki ka na bang ibang gusto?"

"Iba