Chapter 11

ISA

NAKITA ko kung paano naningkit ang mga mata ni Gwen matapos marinig ang sinabi ng manager. Napasinghap ang mga tao, kabila na ako, nang biglang umangat ang kamay nito at dumapo sa pisngi ng kawawang lalaki.

Naglikha ng malakas na ingay ang sampal na ibinigay niya sa manager ng restaurant. Buong taong kumakain sa paligid ay nasa amin na ang mga mata, lalo pa't kilalang tao si Gwen.

"Bobo ka! Gusto mo ba talagang matanggal sa trabaho mo?"

Pulang-pula ang mukha ni Gwen sa galit nang tuluyan nitong lapitan ang manager at tiningnan ang pangalan nito sa nametag.

"Listen here, Andrew Herrera! Starting today, you're fired! And I won't stop here! I'll make sure na walang ni isang restaurant sa Pilipinas ang magha-hire sa iyo!"

Gusto kong tumayo pero hindi ko magawa. I know I should stop Gwen from harassing the manager, pero sa tuwing naaalala ko ang ginawa niya sa akin noon at kung paanong halos mawala ang aking mga anak sa sinapupunan ko, nawawalan ako ng lakas. Nanginginig ako sa takot.