Chapter 12

ISA

"I need some time."

Natatakot ako habang nasa loob ng kuwarto ni Alas at pinagmamasdan itong matulog.

Anong gagawin ko? Paano kung palabas lang ang lahat at may binabalak talaga sina Uno at Senyora Celestia? Hindi kaya... alam na nila ang tungkol kay Heart?

"Oh, Diyos na maawain, huwag naman po sana."

Marahan kong hinaplos ang buhok ni Alas. Mahimbing siyang natutulog. Sa loob ng tatlong taon, halos mabaliw ako sa pag-iisip kung nasa maayos ba siyang kalagayan. Pinagdadasal ko na sana hindi siya sakitin, hindi katulad ng kakambal niya.

Paano kung kunin din nila sa akin si Heart? Hindi ko kakayanin. Baka mabaliw ako o mapatay ko sila.

"Anak, kailangan na natin umalis dito."

Gagawa na ako ng paraan. Isang pagkakataon lang ang kailangan ko. Isang pagkakataon na mailabas si Alas, magiging malaya na kami.

***

Todo iwas ako kay Uno pagsapit ng umaga. Hindi ko nilulubayan si Alas kahit saan pa ito magpunta kaya walang pagkakataon si Uno na makausap o malapitan man lang ako.

Kapag sinusub