Chapter 17

ISA

"Saan ka galing?"

Napapitlag ako nang may magsalita mula sa likuran ko. Dahan-dahan akong lumingon nang makilala ang nagmamay-ari ng boses. Sinalubong ako ng matalim na mga mata ni Uno.

"Ha? A-ah, sa labas. Nakipagkita ako kay Alicia."

"Alicia? Si Ali?"

"O-oo."

Mariin akong lumunok. Bakit ba ako nauutal? Wala naman akong ginagawang masama. Nakakatakot naman kasi itong mga titig ni Uno. Parang lulunok ng taong buhay.

"Bakit?" tanong ko nang mapansin kong matagal siyang natigilan.

"Ayaw kong lumalabas ka nang hindi ko nalalaman, lalo na kung makikipagkita ka sa lalaki."

Nagsalubong ang mga kilay ko sa tono ng pananalita niya. "Uno, hindi naman talaga lalaki si Ali. He's gay. At isa pa—"

"Lalaki pa rin siya."

"Pero matagal ko na siyang kaibigan."

At matagal na niya akong tinutulungan sa anak nating si Heart.

Naiiling niyang hinila ang kamay ko patungo sa kuwarto niya. Nang makapasok ay pinaupo niya ako sa kandungan niya at sinimulang himasin ang mga braso at hita ko.

"Sundin mo na la