Chapter 18

ISA

PALIHIM akong umalis ng mansion matapos magpaalam ni Uno para sandaling pumasok sa trabaho nito. Kadarating lang kasi ng mga invitation card, kinuha ko ang para kay Alicia.

Sa totoo lang, pinilit ko talaga si Uno na imbitahan si Ali sa kasal namin. At first, he was hesitant, pero katagalan ay napapayag ko rin.

Ito ang gagawin kong rason para mapuntahan si Alicia. Kahapon pa ako kinakain ng takot at kaba. Ni hindi na nga ako nakatulog dahil sa pag-aalala. Gusto ko nang takasan si Uno kanina pang madaling araw.

"Alicia! Anong nangyari sa anak ko? Kumusta si Heart? M-may nangyari bang masama? Lumala ba ang lagay niya?"

Mahina niya akong pinalo sa braso. "Hindi! Ano ka ba? Ang sabi ko lang, emergency! Pero hindi ko naman sinabi na bad news!"

Nagsalubong ang mga kilay ko. "Hindi bad news? Ano ba kasing ibig mong sabihin? Hindi ko maintindihan, Ali! Mamatay-matay na ako sa pag-aalala mula kagabi!"

"Ay, sorry-sorry! Kasalanan ko! Hindi ko kasi sinabi agad. Ang gusto ko sana, sa personal