2 - Alok Ng Lalaking Bilyonaryo

Sienna POV

"I will pay you. Just say how much.

Sarkastiko akong ngumiti. Sino ba ang lalaki na 'to? Kung maka-how much parang kakagatin ko ang alok niya agad-agad.

"Sorry, hindi ko kailangan ng pera mo. Humanap ka na lang ng iba, o kaya mas okay kung ligawan mo ang gusto mong babae, kaysa magbayad ka pa para lang may masabing girlfriend."

Hindi siya sumagot, kaya tumalikod na ako dahil kailangan ko pang magtrabaho. Pag bukas ko pa lang ng pinto ng bahay, yung dalawang lalaki na ang bumungad sa akin. Nakatitig pa parehas na parang konting galaw ko lang meron na akong bangas sa mukha.

"Ilapit niyo siya sa akin."

Napapikit na lang ako nang hinawakan ako ng dalawang lalaki sa braso at dinala muli kung saan nila ako tinayo kanina, saka umalis ulit. Hindi na nakakatuwa ang nangyayari.

Galit akong tumingin sa lalaki na maki kita na ang buong mukha. Ang dapat kong sasabihin na masasakit na salita ay parang nalunok ko na, nang makita ko ang buong mukha nung lalaki. Mapapatigil ang lahat ng babae na maglalakad sa harap niya kung ganito ang itsura, parang tama nga ang hinala ko kanina tungkol sa bampira. Mukha siyang bampira sa sobrang puti na malapit ng maging maputla, ang labi na may pagka-red, matangos na ilong, makapal na kilay, pero higit sa lahat, ang pinaka-best ay ang mata niya na kulay gray, ang ganda. Totoo kaya 'yon o contact lense lang? Dream eye color ko pa naman ang kulay ng mata niya, sobrang obsessed ako sa mata na may kulay na gray, dahil mas madalas ang kulay ng mata ng tao ay black o dark brown.

"Are you accepting my offer?"

Nagising ako sa pagpapantasya ko. "Teka nga muna! Baka gusto mo munang magpaliwanag tungkol sa alok mo at kung bakit ako ang napili, e hindi naman kita kilala."

Bigla na lang kasi sumusulpot. Wala rin akong kilalang mayaman na tao, at isa pa, hindi ko nga rin masyadong nakikita ang costumer ko sa tuwing nagsasayaw ako sa kwarto dahil konti lang ang sinag ng ilaw sa loob. Tapos may biglang kukuha sa akin para alukin na maging pekeng girlfriend.

"Dahil kailangan mo."

Napakunot ang noo ko. "Paanong kailangan ko?"

"I have deep details about you. Hindi lang pambili ng pagkain ang kailangan mo. Meron ka pang matinding dahilan kung bakit natiis mong magtrabaho sa bar na iyon."

Nagsalubong ang kilay ko habang nakatitig sa lalaki na diretso lang ang tingin. Okay sabihin na niyang nagpa-imbestiga siya tungkol sa akin, pero paano niya ako nahanap.

"Gaano karami ang alam mo tungkol sa akin?"

Bahagya itong ngumisi. "Buong pagkatao mo, alam ko. Even your mark hidden in your body."

Unti-unting nanlaki ang mata ko. Bakit pati iyon alam niya? Naging customer ko na ba 'tong lalaki na 'to, at saka isa pa, hindi ako naghuhubad ng damit!

Dinuro ko ang lalaki. "Bakit maging 'yon alam mo? Sino ka ba talaga!"

"I'm Red Montemayor."

"Paano mo ako nahanap, at nakilala?"

"To your boss."

Sa boss ko? Puputok ata ang ulo ko kakaisip sa nangyayari ngayon. Ang gulo-gulo!

"Kung gusto mong maunawan ang sinasabi ko. Umupo ka ulit at sasabihin ko sayo ang kondisyon. Ipapaliwanag ko mula sa kung paano ko nalaman ang tungkol sayo at kung bakit ikaw ang napili ko bilang magiging fake girlfriend ko."

Dahan-dahan akong umupo muli sa sofa na isahan. Tutal litong-lito ako sa nangyayari, makikinig ako hanggang sa maunawaan ko ang lahat.

Umupo ulit ang lalaki. Pinagsalikop nito ang dalawang kamay habang nakatingin sa harap, sa gawi ko mismo, pero may napansin ako sa mga mata niya, parang hindi ito madalas kumurap. Hindi ba siya nahihirapan o napupuwing man lang para hindi kumurap ng ilang segundo? Napansin ko kasi na sa haba ng pqg-uusap namin, isang beses lang siyang kumurap.

"I'm looking for a girl to pretend to be my girlfriend for three months. I want the one who won't fall for me because I don't want commitment again."

"Bakit ka pa naghahanap ng babae na magpapanggap? May mana ka ba na hindi makuha kaya kailangan mo?"

"No. I will take revenge on my ex-girlfriend."

Napangiwi ako. Bitter ata ang isang 'to. Dapat mag-move on na lang kaysa maghiganti pa.

"Mag-move on ka na lang kaysa maghanap ka pa ng babae para magpanggap bilang girlfriend. Matagal, pero iyon talaga ang solusyon."

"No!!"

Nagulat naman ako sa biglang sigaw ng lalaki na 'to. Masyado atang masakit ang paghihiwalay nila ng ex niya.

"I won't stop until Scarlet is begging for forgiveness while her knee is bleeding due to long kneeling on the sharp stones!"

Brutal naman pala ang isang 'to. Ito ang mga tao na hindi maka-move on dahil sa ego o malalim na pag-ibig para sa isang tao.

"So, bakit ka nga maghihiganti?" may himig kong tinatamad na tanong.

Nagkaroon ng tubig ang maganda niyang mata, nangilid ang luha nito. Ang tanong, bakit?

"Dahil siya ang may kasalanan kung bakit hindi ko na makita ang mundo!"

Napakunot nag noo ko. "Anong ibig mong sabihin?"

"Bulag ako! May maganda nga akong mata, pero hindi ko naman makita ang liwanag!!"

Napakagat ako sa labi, kaya pala hindi ito madalas kumurap. Nanahimik na lang ako dahil wala naman akong masabing salita sa sinabi niya tungkol sa pagkawala ng paningin nito. Bumalik ang mukha niya sa pagkaseryoso, pero hindi ang pag-agos ng luha niya na patuloy pa ring dumadaloy sa kanyang pisngi.

"Hindi ako maghihiganti kung pagkabulag lang ang dahilan. Mapapatawad ko pa siya kung ganon nga ,pero hindi, Scarlet is cheating on me while we have been together for seven years!"

Namilog ang labi ko. Masakit nga sa part niya 'yon. Parang sa kasal na mauuwi lang sa hiwalayan dahil may third party na involve, pero hindi naman hawak ng tao kung magbabago ba ang isa o mananatiling loyal sa partner.

"Before I lost my sight. My two eyes saw how Scarlet cheated on me while she was having fun with another man."

Tumahimik sa loob ng bahay at hindi rin ako nagsalita. Tahimik na ang buhay ko sa club. Ayokong pumasok sa gulo ng lalaki na 'to para lang sa malaking pera.

"Masakit nga ang ginawa niya, pero sorry. Hindi ako ang babaeng puwede mong ipangalandakan kung mas mayaman at maganda siya kaysa sa akin. Humanap ka na lang ng super model o artista, baka masaktan pa siya ng todo kung mga iyon ang kukuhanin mo bilang fake girlfriend."

"No. Based on your description of what my butler said. You have a strong personality that no one can beat."

Ano ba ang gusto ng lalaki na 'to? Matapang na babae para pag umpisa na ng sabunutan sa ex girlfriend niya ay dapat ako ang manalo? Gaano ba katapang ang ex-girlfriend niya?

"Gagawin natin kung ano ang ginawa niya sa akin, kailangan mas matapang at kaya mong lumaban, dahil hindi ko magagawang ipagtanggol ka sa sitwasyon ko ngayon. Bibigyan kita ng pera na malaki pa sa sinasahod mo sa club, or you can tell how much you want. I will give it to you, in cash."

"Pero ang gulo ng kwento mo. Paano ka gaganti sa kanya?"

"For me, she is already my ex-girlfriend, but for her, we are still okay because I didn't tell Scarlet that we needed to break up because of what I knew about her cheating. So I will introduce you as my new girlfriend to crush her heart, then what's next? She will do everything to get me back because her desire for wealth from me is not in her hands already."

Lumikot ang mata ko dahil may bumubulong sa akin na kuhanin ang offer niya dahil mas madali kumpara sa trabaho niya sa bar, palakasan na lang talaga ng loob kung matapang yung Scarlet. Napasabunot na lang ako sa buhok ko.

"Ano ang mga kondisyon mo?" lumabas sa bibig kong salita.