KABANATA 7

Nang makuha ko na ang librong hinahanap ay agad din akong lumabas ng library. Mabuti na lang at hindi na ako sinundan ni Diego dahil malamang ay bubwesitin na naman ako no'n. Nakakairita.

"Guard number 2, nagkaproblema na naman po doon sa entrance gate. Pumasok na naman po kasi si Erojo," sabi ng isang estudyante sa isang guard na nakatambay malapit sa building ng mga engineering.

"Hindi ba natututo iyong batang iyon? No'ng first year ay puro lang naman iyon suspension eh. Pati ba naman ngayong second year ay bibigyan na naman tayo no'n ng sakit ng ulo?" Napakamot pa ng batok ang guard bago umalis para puntahan ang sinumang estudyanteng nasa entrance gate. Nacurious ako kung sino ang estudyanteng mukhang nagpapabadtrip sa mga guards kaya nakiki-tsismis na rin ako. Eh sa tsismosa ako eh.

Maraming mga estudyanteng nagkukumpulan doon sa gate, both inside and outside kaya hindi ko nakikita kung sino ang sinasabing estudyante.

"Magsialisan kayo rito! Pumas