Kabanata 3 Unrequited Love

Nagkukukot ang damdamin niya para kay Jace. Kung may dala lang siyang gasolina at posporo malamang sinunog na niya ang classroom nila o kaya ay kahit granada. Kapag siguro nagtamo ng third degree burn ang dalawang iyon ay titigil na sa ginagawang panloloko ng kapwa.

“Babe, don’t be jealous, ikaw ang talagang mahal ko,” boses ni Maecy na parang pusang naglalambing sa itaas ng bubong.

“Paanong hindi ako magseselos, lagi kayo magkasama, at alam ko may nangyayari din sa inyo,” medyo matigas ang boses ng lalaki.

“Ilang beses ko ba sasabihin, business lang iyon, seguridad ng negosyo. Alam mong magkasosyo sa negosyo ang mga pamilya namin.”

“Eh hindi ba at basa na ang papel mo sa matanda. Tiyak na tututol sa relasyon ninyo si Don Ricardo."

“Well, hanggang hawak ko sa leeg si Jace Malvar, ang nag-iisang tagapagmana, I don't need to worry,” kampanteng sabi nito.

Sabay dinig niya sa mahinang boses nito na animo umuungol.

Nanginginig siya sa galit. Napakawalanghiya nito. Lalayo na sana siya ng magsalita pa ito.

“Wait, babe, next month nagbabalak na kaming magtanan, sasamantalahin ko ang pagkabaliw sa akin ng lokong yun. At tiyak na wala ng magagawa si Don Ricardo. I'll be richer a hundred times. At damay ka din syempre sa tagumpay ko kaya suportahan mo na lang ako."

Dinig na dinig niya ang malutong na tawa nito na parang baliw.

Lumayo na siya. Nalumo siya sa natuklasan. Magtatanan sina Jace at Maecy. Ano ang gagawin niya?! She has to do something, hindi para mapasakanya si Jace kundi iligtas ito sa masamang balak ng nobya nito.

***

Tatlong linggo na ang lumilipas, isang linggo na lamang ang nalalabing araw bago itanan ni Jace ang nobya. Ano ang gagawin niya? Kung sasabihin niya dito ang totoo, tiyak na hindi siya nito papaniwalaan. Bulag at bingi ito pagdating kay Maecy.

May outing ang pamilya ni Jace sa Isla Buena, isang first class resort sa gawing norte. Ibang klase ang lugar. Paraiso sa lupa, iyon ang tamang pagsasalarawan sa lugar. Maging ang serbisyo ay de-kalidad at world class. Dahil siya ang pakilala na girlfriend, siya ang kasama ni Jace. At dito na niya gagawin ang plano. Para siyang may daga sa dibdib sa kaba maisip pa lang ang gagawin.

Kakatapos lang niya kumain. Umupo siya sa dalampasigan. Lumayo siya sa karamihan upang makapag-isip na mabuti. Ang buhangin ay napakapino at napakaputi. Maraming puno ng niyog sa di kalayuan na pwedeng lagyan ng duyan dahil sa agwat ng bawat puno. Isa talagang paraiso ang lugar na ito, malawak ang asul na karagatan na kumikislap sa liwanag ng buwan. Dumadapyo sa kanyang balat ang malamig na simoy ng hangin. Lumapit si Jace at umupo sa tabi niya.

“Bella, gusto kong magpasalamat sa’yo,” sabi ni Jace.

Napatingin siya dito. Mukhang nakainom na ito. Namumula ang pisngi nito at namumungay ang mga mata.

“Para saan?” inosenteng tanong niya.

“Para sa kabutihan mo, sa pagtulong para maitago ang relasyon namin ni Maecy. Alam kong mabuti kang tao. Hindi ko nga lang matuturuan ang puso ko na mahalin ka kaya hanggang friendship lang ang kaya kong i-offer sa’yo. Bilang kaibigan, wala akong masabi sa’yo. Alam kong maswerte ang lalaking makakasama mo.”

“Wala yun, 'wag mong intindihin. Tanggap ko na kaibigan lang ang turing mo sa akin. Oo gusto kita pero isang araw alam kong mawawala din itong nararamdaman ko para sa’yo. Tanggap ko ang katotohanan. Salamat sa pagkakaibigan na ibinigay mo. At hangad ko ang kaligayahan mo.”

Gustong bumalong ng luha sa mga mata niya ng sandaling iyon. Alam niyang niloloko niya ang sarili. Dahil habang tumatagal ay mas lumalim ang damdamin niya para sa binata.

“May sasabihin ako sa'yo, may plano kaming magtanan,”

Napamaang siya sa pinagtapat nito. Alam na niya ang tungkol dito, ngunit bakit iba pa din kapag sa bibig mismo nito nanggaling. Bakit parang hiniwa ang puso niya at pinatakan ng kalamansi at asin.

“Hindi ba at napakabata pa ninyo para mag-asawa. Sa isang buwan ka pa lang magtatapos ng kolehiyo,” kalmante niyang sabi. Ayaw ipahalata ang pagtutol. Kilala niya ang binata ayaw ng kinokontra ang kagustuhan.

“Pakiramdam ko ay handa na kami. At nahihirapan na din kami ni Maecy ng patago. Marami kaming plano para sa pamilyang bubuuin namin.”

 Aray.  Para sa sarili niyang damdamin at para sa awa niya sa lalaking iniibig.

“Sigurado ka ba? Hindi biro ang pag-aasawa.”

“Mahal namin ang isa’t isa, hindi pa ba sapat na dahilan yun?”

“Papayag ba ang Daddy mo?”

Gusto niyang magbago ang desisyon nito dahil maling babae ang binabalak nitong pakasalan.

“Kaya magtatanan kami, pagbalik namin kasama na ang pamilya ni Maecy kaya tiyak wala na siyang magagawa pa kundi pumayag. At isa pa ako ang makikisama at hindi siya.”

Sasabihin ba niya na niloloko lang ito ni Maecy? Paniwalaan kaya siya nito? Malamang ay hindi. Itutuloy niya ang plano.

“Kailangan ko ang tulong mo sa pagtatanan, kausapin kita bukas para sa iba pang detalye.”

Napatango na lamang siya. Nagdasal siya ng taimtim. Ililigtas niya si Jace. Tiyak na magagalit sa kanya ang binata. Pero kailangan niyang pigilan ito.

Alas-dos ng madaling araw, walang kuryente, nasira ang generator sa isla na ipinagpasalamat niya dahil mas madali niyang maisasakatuparan ang plano. Maingat na pinihit ni Bella ang seradura ng pinto. Pumasok siya sa loob at inihanda ang sarili. May nadinig siyang mga yabag. Parating na ang hinihintay niya.

Pumasok si Jace sa cottage. Madilim sa loob ngunit may munting liwanag mula sa mga buwan at bituin. Medyo mabuway na ang lakad ng binata. Lumapit siya dito sa paraang mapang-akit habang sumasayaw ng walang saplot.

Gustong mangilabot ni Bella sa ginagawa. Eto siya performing an art na wala siyang alam. Kahapon lamang niya napanood sa you tube itong sayaw niya. Napangiti ang binata.

“Sino nagpadala sa'yo? Ang pinsan ko ba? Kakasabi ko lang na magpapakasal na ako, may regalo agad."

Hindi siya sumagot bagkus ay lumapit siya at inilapat ang bibig sa labi ni Jace. Inalis niya ang damit pang itaas nito at isinunod ang shorts. Nakita niya ang pag-igkas ng pagkalalaki nitong matigas na. Napalunok siya ng ilang ulit sa laki ng alaga nito.

“Bakit nanginginig ka?" pansin ng binata.

Yumapos siya at diniin ang pagkakahalik sa binata. Marahan siya nitong tinulak.

“Look Miss, nakainom ako pero ikakasal na ako. Umuwi ka na.”

 Yumuko siya at natigilan. Inaninag siya ito.

“Bella, ikaw ba 'yan? What the hell is this?” nagulantang ito ng makilala siya.

“Jace mahal na mahal kita. Hindi ko hinihinging mahalin mo din ako. Halikan mo lamang ako kahit sa huling pagkakataon,” basag ang tinig niya dala ng pinaghalong emosyon na hindi na niya kayang bigyan ng pangalan.

Malamang ay nakadama ng awa ang binata, niyakap siya nito at hinalikan sa mga labi na bahagyang nakaawang. Maalab ang halik nito. Her first kiss. Lumalim ang halik ng binata na parang may hinahanap. Natangay na din siya emosyon. His hands move, touching every inch of her. Gusto niyang sumigaw sa sensasyon. Hindi niya kayang pakibagayan ang ganitong uri ng damdamin. Napasabunot siya sa buhok ng binata.

Nang biglang bumukas ang pinto, si Don Ricardo, may dalang flashlight na nakatutok sa kanilang dalawa!

Nagsumiksik Bella sa binata upang ikubli ang kahubaran.

Saglit lang ang pagkagulat ng Don. “Magbihis kayo, sumunod kayo sa cottage namin."

Pagdating nila ay nandoon na din si Alfredo at Donya Carmelita.

“Matapos ang nakita ko, I insist na magpakasal na kayo,” bungad ni Don Ricardo.