Kabanata 4 Forced Marriage

“Dad, nagkakamali kayo, yung nakita ninyo is just a kiss.” Pinagpapawisan ng malapot ang binata.

“Jace, hindi ako bulag.”

“Ipapaliwanag ni Bella ang lahat,” sagot ni Jace sabay turo sa kanya.

Nakatunghay ang lahat sa kanya at naghihintay ng anumang sasabihin niya.

“Buntis po ako. At si Jace ang ama,” halos barado ang lalamunan niya at ayaw lumabas ng kasinungalingang iyon.

“Damn you, Bella! Sinungaling ka!” sigaw ng binata.

Alam niyang gusto siyang durugin ni Jace gamit ang mga kamay sa galit. Puno ng poot ang mga mata nito.

“You should be responsible for your actions,” malumanay na wika ng Don.

“Dad, wala kaming relasyon ni Bella. Nagpapanggap lang kami. Kami pa din ni Maecy.”

“Stop this non sense, Jace! Magpapakasal kayo bago pa mahalata ang tiyan Bella,” determinado ang Don. Walang tao na naroon ang ibig kumontra dahil alam ng lahat na masama itong magalit.

“Kung buntis man siya, I'm sure na hindi ako ang ama!" malakas na ang boses ni Jace. Ayaw nitong mapikot.

Isang suntok sa panga mula sa ama ang muntik magpatulog sa binata. Sapo nito ang mukha na tinamaan ng malakas na suntok. Lumapit na si Donya Carmelita upang umawat.

“Ricardo, tama na yan. Bukas na lang natin pag-usapan. Pag-isipan muna natin ang dapat gawin,” awat ni Donya Carmelita sabay yakap sa anak na bahagyang dumugo ang labi.

“Wala akong planong magpakasal sa babaeng ‘yan!” sabi ni Jace sabay talikod at lumabas ng cottage.

“Huwag ka ng magmatigas! Wala kang magagawa kundi ang sumunod!” hiyaw ng matandang Malvar upang madinig ng palayong anak.

Lihim na ngiti ang makikita kay Alfredo, maaasahan pala ang anak niya. Hindi niya namamalayan ng kumikilos na pala ito at hindi na niya kailangang utusan. Malapit na silang umahon sa hirap at mapabilang sa isa sa pinakamayamang pamilya sa bansa. 

***

Isang linggo na ang lumipas mula ng maganap ang insidente sa Isla. Sadyang hinihintay ni Don Ricardo ang anak dahil ilang araw na itong hindi umuuwi. Nakaupo ito sa sala habang hawak ang isang libro. Gustong umiwas ni Jace pagkakita sa ama.

“Kanina pa kita hinihintay, pag-usapan natin ang kasal ninyo ni Bella,” salubong ng Don.

“Dad, hindi ko siya mahal,” nababagot niyang sagot. Kahit talupan siya ng buhay hindi niya papakasalan ang oportunistang iyon. Maliwanag na pinikot siya nito. Nagpapanggap na mabait, iyon pala ay may masamang hangarin.

“Ano inaayaw mo sa kanya, she's lovely. She loves you."

“You can't force me to do that. All my life diniktahan mo ako pati ba sa pagpili ng makakasama ko habang buhay? Si Maecy ang gusto ko.”

“And look at you? Kung hindi kita sasabihan ng dapat mong gawin, malamang wala kang direksyon! At ‘yang pinagmamalaki mong si Maecy, I had seen it with my own eyes, hindi siya magiging mabuting asawa sa iyo."

“I'm tired of being told what to do.”

“Then act as if you're responsible enough! Make wise decisions. Maecy is not the right girl for you. I know it. Trust me, son. Wala akong iniisip na makakasama sa’yo."

“Talking about being wise, how can you say that you are wise? Pinaiikot tayo ng mag-amang Alfredo at Bella. This is their plan or kasama ka sa pag-set up sa pagpikot sa akin?" nananantiya niyang sabi.

Muli sanang tatama ang kamao ng Don sa anak kundi ito nakailag. “Wala kang modo! Hindi kita pinalaki para sagutin ako ng ganyan!” namumula sa galit si Don Ricardo.

Natigil lang ang mag-ama ng madinig ang pagtawag ni Donya Carmelita na hawak ang dibdib mula sa gitnang bahagi ng hagdan.

“Ri-ricardo, tulu--lungan mo ako.” Bumagsak ito. Agad nila itong isinugod sa ospital.

***

Makalipas ang isang buwan. Naiayos ang kasal nila ni Bella at Jace. Civil wedding lang ang gusto ng binata. At kung siya ang tatanungin ay wala siyang pakialam kung saan. Ang importante ay mailigtas niya ito sa masamang balak ni Maecy.

“Bakit wala pa si Jace? Kanina pa naghihintay ang magkakasal,” balisang tanong ng Donya sa kabiyak. Pumayag magpakasal ito dahil sa kondisyon niya sa sakit sa puso. At naaawa siya sa anak dahil napilitan ito para huwag siyang bigyan ng sama ng loob. Ngunit mas mainam iyon kesa matuloy ang plano nitong pagtatanan kay Maecy. Sinabi ni Bella sa kanila ang tungkol dito. They hired a private investigator and found out the truth. Masama man malaman ni Jace, they set him up. Pinikot nila ang sariling anak. Noong una ay tutol siya sa plano ng asawa ngunit pumayag na din siya lalo at nalaman niyang itatanan nito ang nobya na isang manloloko.

“Carmie, huwag kang mag-alala, padating na yun.” Pagpapalakas ng loob ni Don Ricardo sa asawa kahit pa siya ay hindi rin sigurado kung sisipot ang anak sa kasal nito.

Kanina pa nakaupo si Bella sa mahabang upuang narra na nasa library ng mga Malvar, naghihintay kay Jace, nag-aalala siya kung sisipot ba ito. Napako ang paningin niya sa family picture ng mga ito na nakasabit sa dingding. Masayang pamilya na posibleng masira dahil sa pakikialam niya. Napatayo siya ng dumating ang binatang parang galing sa pagbabasketball dahil tagaktak ang pawis nito. Naka-shorts at sando lang ito.

“Let’s start this nonsense and make it fast,” anito kay Atty. Rosales, ang abogado ng pamilya.

Mga magulang ni Jace, daddy niya, at silang dalawa lang ni Jace ang makakaalam sa kasalang magaganap. Walang kibong lumapit ang dalawang saksi sa kasal, na ang tanging bisitang maituturing ay si Anthony na pinsan ng binata.

Nasimula ang seremonyas, kitang kita ang kawalang interes ng binata. Panay ang tingin nito sa oras at humihikab pa. Parang tinadtad ng pinong pino ang puso niya. Pati kunsensya niya ay sinusurot siya. Anyway, ang usapan nila ng mga matandang Malvar ay isa hangang dalawang taon para mapaibig niya ang binata, kapag hindi nangyari ay magpa-file sila ng annulment. Sounds so unfair to her, but she will take the chance. At pabor para sa Daddy niya, burado na daw ang utang nito kay Don Ricardo. Kaya todo ang suporta nito sa kasalan. Pinagpatahi pa nga siya ng simple ngunit eleganteng damit. At ipinasuot sa kanya ang alahas ng kanyang ina na gawa sa ginto na may maliliit na brilyante. Alam niyang kayamanan ang suot niyang hikaw, kwintas, at singsing. At masaya siyang isuot dahil parang kapiling na din niya ang ina sa pinakaimportanteng okasyon sa buhay niya.

“You will regret this for the rest of your life. I will make your life a living hell,” bulong ni Jace sa tenga niya.

Pinili niya ang manahimik na lang. Naiintindihan niya ang galit ng binata.

“I want to kill you with my bare hands,” dugtong nito na gigil na gigil sa kanya.

Hindi niya ito pinansin. Pinigil niyang umagos ang luha sa kanyang mga mata. Ilang singhot ang ginawa niya upang awatin ang luhang pabagsak na. It’s not her dream wedding but he is being married to her dream man, what more can she asks for?

“You may now kiss the bride,” anunsyo ng nagkasal.

“No, let’s break the tradition,” sabay hatak sa kanya palabas.

Mukhang umpisa na ng kalbaryo niya bilang asawa nito. Hindi niya maiwasang umusal ng dasal para sa bagong buhay na pinasok niya.

Humabol si Anthony na may bitbit na polaroid camera. “Teka, pa-picture kayo kahit isa,” kulit nito sabay pindot sa camera at inabot sa kanya ang kuha.

Habang hawak siya sa braso ng asawa ay gusto niyang matawa sa larawan nila, si Jace nanlilisik ang mga mata sa galit habang siya ay takot na takot na parang kinidnap at nakatakdang ma-rape. What a perfect wedding picture!

They lived sa condo unit nito ngunit halos hindi ito nag-stay doon. Ipinararamdam sa kanyang ayaw siya makasama. At alam niyang patuloy pa din ang relasyon nito kay Maecy. Minsan nadidinig niyang nag-uusap ang mga ito sa cellphone, walang pakialam kung madinig man niya. Sinasadya siyang pasakitan.

Magdadala siya ng lunch sa school nito. Ipinagluto niya ito ng paborito niyang kare-kare. Kabisado niya ang schedule ng binata pati na din ang lugar na madalas nitong tambayan. Malamang nasa gym ito ngayon. Hindi siya nagkamali, naglalaro ito ng basketball sa gym. Mula sa kalayuan ay pinapanood lamang niya ang asawa. Magaling din itong maglaro ng basketball. Umupo na ang binata sa bleacher, lalapit na sana siya ngunit may babaeng nag-abot ng tubig at towel dito. Uminit ang bumbunan niya. Makapal talaga si Maecy. Kahit alam na kasal na sila ay lumalapit pa din. Napako na ang kanyang mga paa sa kinatatayuan. Nagagalit siya pero may pumipigil sa kanyang sumugod at sampalin si Maecy. Guilt, perhaps.

She saw the kiss given by Jace to Maecy, matagal. Kaya naglaho ang katinuan niya at kinain siya ng matinding selos. Ilang hakbang lang at narating na niya ang kinaroroonan ng dalawa. Sabay pakawala ng mag-asawang sampal sa mukha ni Maecy, tigalgal ito dahil hindi inaasahan ang ginawa niya.