KABANATA 10

TAMARA’S P O V

“Hindi ko alam, Wendy…” nakakunot-noo kong saad habang nakatitig sa kanya. “We used to be a team, both working, seeing equal amounts of Lily. Hindi perpekto ang pagsasama namin pero marami kaming time sa isa’t isa. Hindi man siya masaya sa dati niyang trabaho, pero masaya kami sa bahay. Palagi kaming may bonding, halos hindi kami mag-away. Pero ngayon...”

Kinuha ni Wendy ang kanang kamay ko at pinisil ito ng marahan.

“Ngayon, nagbago na ang lahat…” pagpapatuloy ko sa pagkwento na lalong nagpapabigat sa aking dibdib dahil bumabalik ang lahat ng mga pasakit na naramdaman ko, pero kailangan kong mailabas ito. Kailangan kong masabi sa kanya ang lahat ng naranasan ko sa kamay ni Harry. Minsan lang kami magkita ni Wendy kaya kailangan ko ng ikwento sa kanya ang lahat lahat. “Mas malaki na din ang kinikita niya ngayon kumpara dati. Times three ang kita niya kumpara sa kinikita ko.”

"Kaya siguro lalo siyang yumabang." Umiling-iling si Wendy na para bang hindi makapaniwala sa mg