Chapter 49

Dominic’s POV

Ala singko pa lang ng umaga nang maalimpungatan ako. Bumungad sa aking silid ang napakadilim na paligid. Bumangon naman ako para hawiin ang kurtina upang pumasok mayamaya ang liwanag ng araw. Nag-inat pa ako ng konti saka naisipang lumabas ng kuwarto. 

Nadaanan ko ang kuwarto ni Aly at naisipan kong tingnan ang kalagayan nito na nasisiguro kong tulog pa rin. Hindi pa rin ako makapaniwala na nandito pa rin ang prinsesa namin matapos ang nangyari sa kanya. Sa lumipas na tatlong araw ay sobrang bantay sarado kami sa kanya dahil papayag lang daw si King at iba pang Royalties na mapanatili rito si Aly kapag mas napatibay namin ang segurdidad nito. At katulad nga nang inaasahan… tulog pa si Aly at katabi nito sa kama ang tatlong royalties dog. Nasa kanang bahagi niya si Winter, nasa kaliwa nito si Sun at si Dark naman ay na