Chapter 47

“Ah, si Miss Charish Castillo po? Naku, matagal na pong ipinagbawal banggitin ang pangalan niya rito sa bahay ni Congressman.” bumuntong hininga si Manang Lourdes, ang helper ni Sandro rito sa kaniyang bahay pagkatapos nitong magsalita. Bumaling ito sa gardener na si Ate Feliz, medyo may edad na rin ito pero ang nais niyang itawag sa kaniya ay Ate para raw nakakabata.

“Si Miss Charish po ay nag-iisang anak ng Gobernardor ng probinsiyang ito. Kaya naman lumaki siya sa marangyang pamumuhay. Kaya siguro ganoon nalang siya makitungo sa mga hindi niya kagayang mayaman. Pero kung ganiyan si Miss Charish, mas matindi pa ang kaniyang inang si Madam Lucille.”

Kung ganoon ang uri ng kanilang pamilya, eh bakit pa inihalal ng mga tao ang kaniyang ama?

“Pero ibang-iba naman ang kaniyang ama, si Governor Mike. Kung anong isinama ng pag-uugali ng kaniyang anak at asawa, ay labis-labis naman ang kabaitan nito. Iyon di