15- Who is he really?

Maaga pa nang nagising ako dahil sa alarm na nanggagaling sa desk ni Neil na mukhang nakatulog na sa kakatrabaho kagabi. Kaya naman kahit inaantok pa ako ay tumayo ako para lang patayin ang alarm clock nito.

“Gisingin ko na lang siya mamaya,” bulong ko sa sarili ko at saka ako tumingin kay Neil na mahimbing na natutulog pa sa desk.

At dahil hindi ko siya kayang dalhin sa kama ay kinuha ko na lang ang kumot sa kama at inilagay ko sa likod niya para kahit pa-paano ay hindi siya lamigin. Tinaasan ko rin ng kaunti ang temperature ng aircon sa kwarto na magdamag nakabukas para hindi siya ganu’n lamigin.

Gutom na ako. Nagutom tuloy ako dahil ang aga ko nagising.

Sige, bababa ako pero bago ako lumabas ay mag-aayos ako kahit kaunti at baka makasalubong ko ang King and Queen, nakakahiya naman kung mukha ako’ng pulubi. At dahil bababa ako ay baka matagalan ako kaya naman bumalik ako sa desk ni Neil at kinuha ko ang phone nito para i-alarm ulit, siguro kahit 7:15 para makatulog pa siya since