Chapter 54

ISANG linggo, isang linggo din ako na walang maalala. Nakalimutan ko ang lahat, kahit na ang mga kakilala ko. May isang babae lamang na kahit anong taboy ko ay di ito umaalis. Nagpakilala pa ito siya daw ang asawa ko. Kahit alam ko naman na hindi.

Noong wala akong maalala. Wala akong maramdaman kahit na ano sa babae. Ayon dito ay siya daw ang asawa ko. Pero noong bumalik na ang mga ala-ala ko ay tsaka ko lang naisip na kahit kailan ay di ko minahal ang babaeng iyon, at kahit kailan ay di ko naging asawa ang babaeng iyon.

Dahil sa aksidente na kinasadlakan ko ay nawala nang tuluyan sa akin ang babaeng mahal ko. Umalis ito na di ko man lang ito nakakausap. Umalis ito na di man lang kami nagkita.

"Hi, baby," nakangiting bati nito sa akin.

Tinignan ko ito. Di ako ngumiti dito. Kahit noong una ko itong makita.

"Kumain ka na, baka malipasan ka ng gutom," sabi pa nito.

"Bakit ginagawa mo ito?" tanong ko sa kanya.

"Asawa mo ako, Clyde. Kaya dapat lang kitang alagaan."

"Wag mong ipilit ang sar