Chapter 25

Ciara POV

Maaga akong nagising dahil nakaramdam ako ng pagkalam ng sikmura ko at isa pa ay maaga na naman akong sumuka, ganito siguro talaga kapag buntis kaya kailangan ko ng sanayin ang sarili ko sa ganitong routine. Hindi ko man lang napansin na may dinadala na pala ako dahil busy ako sa pag iisip ng mga bagay bagay at pagsunod kay Aiden.

Nakapag isip isip na din ako, pupuntahan ko si Aiden para kausapin at sabihin sa kanya ang tungkol sa anak namin. Sana naman ay makaya ko sa kung ano man ang magiging kahihitnan ng pag uusap namin at kung ano man 'yon ay pilit kung tatanggapin.

Tumayo na ako at lumabas papunta sa kusina para kumain ng almusal. Nagluto na lang ako ng hotdog at bacon para mas madali. Kumuha na din ako ng tinapay at nilagay sa plato kasabay ay nagtimpla na ako ng gatas. Ng maayos ko na ang lahat ay umupo na ako para kumain.

Pagkatapos kung kumain ay naligo na ako at inayos ang sarili ko, sana lang ay makausap ko ng maayos si Aiden ngayon kahit sa huling pagkakataon