Chapter 57

Linnea POV

Kahit anong pilit sa akin ni Hunter ay hindi talaga ako sumama. Hindi ko talaga mawala ang sama ng loob ko sa kanya, umasa ako na babatiin niya ako pag uwi niya kahit na late na pero wala man lang akong narinig na galing sa kanya.

Hindi na nga niya sinabi sa akin ang tungkol sa victory party na pinuntahan niya tapos hindi pa siya umuwi at ni isang text hindi niya man lang magawa. Hindi ko tuloy maiwasan mag isip kung nasaan siya at kung sino ang kasama niya buong magdamag.

Tumayo na ako at kinuha ang bag ko, pupunta kasi ako ngayon sa Cafe para ayusin ang sahod ng mga empleyado ko. Hindi din naman ako magtatagal at uuwi din dahil wala naman na akong ibang pupuntahan.

Nagpahatid lang ako sa driver dahil tinatamad akong magdrive, sinabihan ko din siya na hintayin na lang ako dahil hindi din naman ako magtatagal.

Pagdating ko sa Cafe ay dumiretso muna ako sa banyo para tingnan ang sarili ko, pagpasok ko sa loob ay may isang babae na nando'n at mukhang nagreretouch. Pumasok na