Chapter 58

Hunter POV

Isang linggo na ang lumipas ng umalis kami ni Ash dahil sinamahan ko ito sa mall at simula ng makauwi kami ay naging mailap sa akin ang asawa ko. Sa tuwing kakausapin ko naman siya ay tanging tango lang ang sinasagot niya sa akin.

At habang lumalipas pa ang mga araw ay pakiramdam ko nag iiba siya, madalas ko siyang nakikita na tulala na parang may malalim na iniisip. Pakiramdam ko ay biglang naging malayo ang loob sa akin ni Linnea.

Hindi ko alam kung ano ang nagawa kung mali para maging mailap sa akin ang asawa ko, hindi ko naman siya makausap ng masinsinan dahil mas madalas siyang matulog sa kwarto ng anak namin kaya alam kung may problema talaga.

Kasalukuyan akong nasa opisina ko pero ang isip ko ay nasa asawa ko, hindi ako papayag na maging ganito na lang kami. Kailangan ko na siyang kausapin mamaya dahil wala naman si Ash at do'n mag oovernight sa bahay ni Aiden.

Mayamaya pa ay bumukas ang pinto at pumasok si Aiden.

"Oh anong nangyari sa mukha mo at parang nalugi ka?"