Kabanata 11 Jealous Heart

Nagsusumamo ang mga mata niya kay Andrei. Kinuha nito ang kanyang kanang kamay at hinila na siya. “Tara na! Umuwi na tayo.”

Mabilis namang nahawakan ni Liam ang kanyang kaliwang kamay. Daig pa niya ang bida sa Kdrama na pinapanood niya. Pinag-aagawan siya ng male lead and second lead. But she’s terrified. Horror yata ang eksenang napasukan niya.

Muling nagsukatan ng tingin ang dalawa. “Liam, kailangan ko ng umuwi,” aniya bago pa magsuntukan ang dalawa.

Ngunit hindi nito binitawan ang kanyang kamay. “Ako na ang maghahatid sa’yo.”

“Akala mo ay papayagan ka ng mga Ramirez na makatuntong sa bahay nila!” sabi ni Andrei.

“Liam, please lang. Tama na. Kailangan ko ng umuwi.”

“Birthday ko ngayon, Mika. Ikaw ang gusto kong kasama.” Nakatitig sa kanya ang binata. May nakita siyang emosyon sa mga mata nito.

Nagdalawang isip siya ng malamang kaarawan ng binata. Kaya pala gusto nitong magsimba sila. Bakas sa mukha nito ang lungkot. Ngunit mas lamang ang takot sa dibdib niya. Hindi niya kayang harap