Chapter 219

“Heh! Hindi anak ko ang nanloko, kundi ’yung malanding babaeng ’yon ang nanuksong umakit sa anak ko!” Pawis-pawis na ang sentido ng matabang lalake habang nanginginig at walang kumpiyansa sa tono ng boses niya. “Nagbigay na rin ako ng bayad sa pamilya nila pagkatapos siyang mamatay, pero ayaw tanggapin ng nanay niya. Ano pa ba’ng gusto niyo? Huwag mong sabihing ikaw ’yung kinuha nila para gantihan ako. Magkano ba kaya nilang ibayad sa ’yo? Babayaran kita ng doble—hindi, sampung beses pa!”

Pagkarinig no’n, talagang nakaramdam ng awa si Evan para sa inosenteng babae, pero sa loob-loob niya, parang tama lang din ang nangyari sa kanya.

Napangisi lang ang naka-maskarang lalaki, parang sinasadya niyang ipaliwanag para marinig ni Evan. “Hindi tinanggap ng pamilya niya ’yung suhol mo, at gusto nila idaan sa korte. Kaya ka nga nagpa-upa ng tao para baliin ’yung binti ng tatay ng bata.”

“Magulang din ako. Hindi ko pwedeng pabayaan na may walang modo na sumira sa future ng anak ko! Wala silang k