14: Unwanted Proposal

Napalingon si Hailey at napaangat ng tingin dito. At gano'n na lang ang pamimilog ng kaniyang mga mata nang makita niya ang lalake na nakasagupa niya no'n sa elevator.

"Okay po, sir." At tinanggap na ng tindera ang bayad.

Nataranta naman si Hailey at, "Teka lang, ate. Ako na po–"

"Tinanggap na niya ang pera ko, just let it be the payment." Wika ni Troy kay Hailey. Hindi makapaniwala si Hailey sa naging turan nito.

"Kahit na, hindi mo dapat–"

Napabuntong hininga si Troy at binalingan ng pansin ang bata, "Kid, you can take the change of the money, okay? Gamitin mo 'yun pambili ng pangkain niyo ng pamilya mo." Naputol sa pagsasalita si Hailey nang dineadma siya ni Troy at nakipagusap sa bata.

"Wow! Salamat, kuya pogi!" Lubos naman na natuwa ang bata kaya hindi na umangal si Hailey at itinikom nalang ang kaniyang bibig.

Matapos nila sa tianggean ay sinamahan pa nila ang bata na mamili ng mga pagkain na dadalhin sa pamilya nito. Tahimik lang si Troy habang inooserbahan ang dalawang ka