Chapter Seventeen

Chapter Seventeen

Nang magtanghalian, magkakasabay kaming kumain ng girls sa canteen.

“Mukhang mabait naman pala si Sir Apollo, ’di ba?” natutuwang saad ni Chanti sa amin.

Kanina pa siya paulit-ulit na nagkukuwento ng tungkol sa mala-teleserye na nangyaring pagsalo ni Sir Apollo sa kanya. Medyo masakit na sa tainga lalo na kapag sinasabi niya niya na ‘mabait’ ang lalaking ’yon.

“Kilig na kilig ka naman diyan,” mataray na sambit ni Arya.

“Hays. Suko na, Arya. Mukhang si Chanti na ang tatapos ng laban para kay Sir Apollo. Tapos si Tamara, parang kay Chino nakaplano,” pang-aasar ni Ate Sam sa akin.

“Si Ate Sam, issue,” buwelta ko at napailing.

“That’s right, Tamara. Sumuko ka na kay Sir Apollo. You too, Chanti, because he’s all mine,” pang-aangkin naman ni Arya.

Malalim naman akong napabuntong-hininga at napailing. Hindi na lang ako nagsalita at nanatili ang atensyon sa pagkain. Ayokong makisali sa usapan nila, lalo na kung si Sir Apollo ang topic.

Pagkatapos naming kumain ay pinunt