Chapter Two

Chapter Two

Napakunot ako ng noo nang makita ang kanyang hitsura. Medyo nakapagtataka dahil naaaninag ko ang mukha ni Alas pero iba na ang kanyang suot at gupit. Parang may kakaiba.

O baka kaya iba siya ngayon sa paningin ko dahil masyado lang akong maraming nainom na alak.

“Alas, bakit parang nagpagupit ka yata ng buhok? Infairness ang guwapo mo riyan,” nakangiting sabi ko habang naniningkit na matang pinagmamasdan siya.

Pero sandali? Hindi ba nakaalis na siya? Baka guni-guni ko lang at pinapasok ko talaga siya.

Lumapad ang ngiti ko nang makaisip ng magandang ideya. Tumihaya ako at bahagyang binuka ang aking dalawang hita.

“Wait, ano’ng ginagawa mo?” kinakabahang tanong niya.

“Well, since nagkaaminan na tayo ng feelings for each other, iyong-iyo na ako!”

“Mag-celebrate tayo!” Tinaas ko ang aking ang mga kamay. Lumiyad ako at tumingala para ipahiwatig na puwede niya na akong angkinin nang buong-buo.

“Sige na, Alas. Don’t be shy, I’m already yours,” pag-aaya ko habang nakapikit at hinaplos-haplos ang bawat parte ng katawan ko.

“Who the f*ck is Alas? Get out of my bed!” naiinis na usal niya.

Napakakunot naman ako ng noo.

“Akala ko ba juice lang ininom mo? Uminom ka rin, ’no? Mas malala ba ang tama sa ’yo ng alak at nakalimutan mo na ang pangalan mo?” nagtatakang tanong ko habang namimikit ang mga mata.

“Kung may lasing man dito ikaw ’yon. Get out of here, you’re just wasting my time. Umalis ka na sa kama ko,” iritableng saad niya at pilit akong tinataboy.

Sungit naman. Pero teka? Baka kaya ayaw niya sa kama kasi gusto niya na sa sahig na lang kami. Interesting!

Gusto ko ’yan!

“Naughty, huh? Mas gusto mo pala sa sahig. Wait, maghuhubad muna ako,” na-e-excite na sabi ko.

Sinimulan ko nang iangat ang dress na suot ko.

“Hey! Oy! Girl!” taranta niyang sabi at agad na lumapit sa akin. Sinubukan niya akong hawakan pero kinuha ko ang kanyang kamay at inilagay sa aking dibdib.

Nagulat siya sa ginawa ko. Hindi maipinta ang naging reaksyon ng mukha niya nang ihagod ko ito pababa. Mabilis niya itong tinanggal at lumayo.

“Hey! Stop! Tigilan mo ‘yan!” natatarantang sambit niya.

Hindi ko siya pinakinggan at ipinagpatuloy lang ang ginagawang paghuhubad. Huli kong tinanggal ang panty ko. Hinagis ko ito sa mukha niya pero agad din niyang iniwasan.

“Come here, Baby!” malandi kong tawag at winagayway ang hintuturo ko para palapitin siya.

“What the f— Magdamit ka nga! Tatawag ako ng security!” pagbabanta niya nang hindi ako tinitingnan.

“Sus! Pakipot,” natatawa kong sabi.

“I know you're a gentleman, but I’m already yours. Do whatever you want to do with me, you have a consent,” namimikit na mga matang sabi ko at hinaplos-haplos ang hubad kong katawan.

“Tara na! Kung nahihiya ka pa rin, sige, ako na lang lalapit,” offer ko. Nagsimula na akong gumapang palapit sa kanya.

Nanlaki ang  mga mata ko nang madulas ang aking kamay sa dulo ng kama at nawalan ng balanse.

“Ay!” Nahulog ako sa sahig at unang tumama ang nguso ko.

NAGISING ako nang marinig ang malakas na tunog ng alarm. Napahawak sa aking ulo, sobrang sakit nito. Tinakpan ko ito ng unan at pumikit ulit.

“F*ck!” mura ko dahil parang binibiyak ito.

Hindi na talaga ako iinom!

Babalik sana ulit ako sa pagtulog pero agad akong naalimpungatan nang tumama sa mukha ko ang sikat ng araw.

“F*ck! Hala!” Agad akong dumilat.

Masyado akong natuwa nang umamin si Alas kaya naparami ang nainom ko kagabi. Nakalimutan ko na may pasok ako ngayon.

Agad akong bumangon at kinuha ang phone ko para patayin ang alarm. Natigil ako nang may mapansing kakaiba sa buong kuwarto. 

Suminghot-singhot ako para kumpirmahin. May naaamoy akong panlalaking pabango, bago lang ito sa pang-amoy ko.

Napakusot ako ng mata at tumingin ulit sa kwarto. Nanlaki ang mga mata ko nang makita na iba ang kulay ng pader. May nakasabit na painting din dito na hindi pamilyar sa akin. Ibinaba ko ang tingin sa kama, hindi ito ang design ng mga unan at kumot ko.

“Hala! Nasaan ako?” gulat kong tanong habang tumitingin-tingin sa buong paligid.

Napatingin ako sa sahig. Napanganga ako nang makita ang mga damit ko na nakakalat.

“What the f—” putol kong sabi dahil sa sobrang bigla.

Dahan-dahan kong ibinaba ang tingin sa aking katawan.

N*******d ako!

“Ah!” malakas na sigaw ko at hinigpitan ang hawak sa kumot na nakatakip sa akin.

Ano’ng nangyari sa ’kin?

Napalingon ako sa pintuan nang pumasok ang isang pamilyar na lalaki. Mukhang kaliligo niya lang dahil basa pa ang kanyang buhok at nakatapis lang ng tuwalya ang pang-ibaba niya.

Hindi kaya…

“Al—” Hindi ko tinuloy ang sasabihin nang makita ang kanyang mukha.

Parang may mali. Parang may kakaiba sa kanya. Iba ang hairstyle niya, mukhang bagong gupit siya. Pero teka? Lalong nanlaki ang mga mata ko nang mapansin na wala siyang maliit na nunal sa ilalim ng kaliwang mata na isa sa mga asset ni Alas. Tinititigan ko siyang mabuti para makasigurado. 

“A-Alas?” nagdadalawang-isip na tawag ko.

Nakaramdan ako ng matinding kaba nang tingnan niya ako nang masama.

Sigurado na ako.

Kabisadong-kabisado ko ang buong mukha ni Alas. Hindi nga siya ito, ibang tao ang nasa harapan ko!

“Maniac!” sigaw ko at binato sa kanya ang bawat unan na aking mahawakan.

“Hey! Stop! Tumigil ka nga!” pagpigil niya habang iniwasan ang mga ito.

“Sino ka? Nasaan ako? Bakit ako nandito? Ni-rape mo ba ako? Manyak ka!” buong lakas na sigaw ko.

Parang gusto kong magwala at saktan siya dahil sa ginawa niya sa ’kin!

“Hoy! Sumusobra ka na!” galit na sabi niya na nagpatigil sa akin.

Aba! Siya pa ang may ganang magalit? Siya nga itong r*pist! Mapagsamantala ng lasing!

Ilang segundo kaming nagkatinginan nang masama at nagpakiramdaman. Inayos ko ang pagtakip ng kumot sa katawan ko.

“Sino ka ba? Bakit ba kasi ako nandito? Ano’ng ginawa mo sa ‘kin?” magkakasunod na tanong ko.

“What the? Wala akong ginawa sa ‘yo, pero ikaw, marami. Hindi ba ako dapat ang magtanong sa ‘yo ng mga ’yan? Sino ka at ano’ng ginagawa mo rito?” inis na tanong niya.

“Huh?” tanging naging tugon ko. Bigla akong naging slow. Hindi ko naiintindihan ang mga sinasabi niya.

“Ano ba’ng pinagsasabi mo?” iritableng tanong ko.

Napasapo siya ng noo at malalim na napabuntong-hininga.

“I don’t know who you are. Bigla na lang kitang nakita rito kagabi, and…” Tumingin siya sa akin pero lumingon din siya agad sa ibang direksyon.

Tumikhim siya at napalunok. “Bigla ka na lang naghubad sa harapan ko,” naiilang na sabi niya.

Gulat ko siyang tiningnan.

“S-seryoso ka ba?” hindi makapaniwalang tanong ko.

“Do you think I’m kidding?” iritableng tanong niya.

“S-so, h-hindi mo ako ni-rape?” gulat na tanong ko.

Tiningnan niya ako nang masama.

“Why would I do that thing? I’m no criminal.” Binaba niya ang tingin sa sahig kung saan nakakalat ang mga damit ko at binalik ulit ang titig sa akin na ngayon ay may halo nang pandidiri. “Even s*x with you, yuck! Pathetic girls are not totally my type.”

Grabe ang sama niyang magsalita.

Pinilit kong alalahin ang nangyari kagabi. Ang huli kong natatandaan ay hinatid ako ni Alas sa tapat ng condo at pumasok na ako.

Inilibot ko ulit ang tingin sa buong paligid. Iba ang ayos ng lugar at hindi rin pamilyar ang mga gamit na nandito. Mariin akong pumikit at dumilat ulit para makumpirma kung hindi ako nananaginip. Lalo akong kinabahan nang makitang nandito pa rin ako. Nanlaki ang mga mata ko nang mapagtanto ang lahat.

“Hindi kaya…” putol na banggit ko.

Lumakas ang kabog ng dibdib ko nang unti-unti na itong lumilinaw.

Hindi…

Hindi maaari, pero may posibilidad na ‘yon nga ang nangyari.

“A-ano’ng number ’to?” kinakabahang tanong ko.

“217,” tipid niyang sagot na nagpatigil sa mundo ko.

“F*ck. Nalintikan na,” mahina kong sabi habang gulat na nakatingin sa kanya.

Sa 218 ako nakatira. Nakapasok ako sa ibang condo. Pero parang imposible naman ‘yon. Baka nasa isang napakapangit na bangungot lang ako.

Mariin ulit akong pumikit. Sinampal ko nang malakas ang sarili.

“Ouch!” d***g ko at napahawak sa aking pisngi.

Unti-unti akong dumilat. Nakikita ko pa rin siya at ngayon ay mas lalo na siyang nainis.

“Totoo nga.” Napahilamos ako ng mukha dahil sa sobrang kahihiyan. Parang gusto ko nang magpalamon sa lupa.

“Just leave before I call the security,” seryosong sabi niya.

Nahihiya kong inangat ang tingin sa kanya. Napatingin ako sa kanyang katawan. Muntik na akong mapakagat-labi dahil sa ganda nito.

Bigla kong naalala, wala akong suot at nandito sa kanyang kuwarto. Posible kayang…

“Sandali, may nangyari ba sa atin?” tanong ko.

Agad akong yumuko para hindi makita ang kanyang reaksyon. Wala akong mukhang maihaharap sa kanya. Nakakahiya ang ginawa ko.

“Wala,” tipid niyang sagot. “Sa couch ako natulog. Saka hindi mo ba narinig? Hindi ako nakikipag-s*x sa pathetic na babae.”

Ang sama talaga ng lalaking ’to pero at least nakahinga ako ng maluwag dahil walang nangyari.

“Mabuti, magbibihis muna ako. Pasensya na sa abalang ginawa ko,” saad ko. Binalot ko ng kumot ang aking buong katawan. Tumayo na ako para pulutin ang mga damit sa sahig.

Lumabas naman siya ng kuwarto at isinarado ang pinto. Nagmadali akong nagbihis. Agad ko ring inayos ang sarili. Tumingin ako sa phone ko para alamin ang oras. May oras pa ako bago pumasok.

Binuksan ko na ang pinto at agad na hinanap ang daan palabas ng unit niya.

“Sorry ulit!” Hindi ko na siya nilingon pa at dumiretso roon.

Halos mapadausdos ako sa pader nang tuluyan nang makalabas. Lumingon ako sa katabing pinto. Nanlaki ang mga mata ko nang makita na ito ang condo ko. Napasapo na lang ako ng noo at umiling-iling habang hinahampas ng aking kabilang kamay ang pader.

“Ano’ng ginawa mo, Tamara? Nakakahiya ka,” mariing sabi ko sa sarili.

Humarap ako sa pader mahinang inuntog ang noo ko rito. Ang tanga-tanga ko.