Chapter Fifty-Six

CHAPTER 56

           

            NAGISING ako dahil sa pagkulo ng tiyan ko. Bumangon ako at nagkusot ng mata. Tumingin ako sa labas ng bintana at umaga na pala. Mataas na ang sikat ng araw. Napahinga ako ng malalim saka bumangon. Niligpit ko muna ang sofa bago ako pumasok ng kwarto at nagtuloy sa banyo.

            Naligo ako kahit malamig ang tubig. Ginawa ko na lahat ng morning rituals ko kaya ng matapos ako ay nagbihis na lang ako at nagsuot ng leggings at loose t-shirt. Lumabas ako ng kwarto. Hindi na ako nag-abalang tingnan ang cellphone ko.

            Kinuha ko ang plato sa may center table at dinala sa may sink sa kusina. Napanguso ako ng maalala ang green apple na gusto ko at kagaya kagabi, gusto kong mag-iiyak.