THR 8

"Mas matimbang pa rin ang pagmamahal kaysa sa mga pagkukulang at mga pagkakamali. Lahat ng tao ay may kakayahang magpatawad kahit gaano pa man kabigat ang naging kasalanan lalo na kung ang may atraso saýo ay isa sa iyong mga mahal sa buhay."

Third Person's POV

PAGKAMULAT ng mata ni Klea ay agad siyang nagbihis at nag-ayos para puntahan si Don Lenel sa hospital. Nabahala siya nang malaman niyang nag resign na pala sa trabaho ang personal nurse ng kanyang Papa. Tatawagan niya sana si Axie para samahan siya nang bigla siyang pinigilan ni Wade.

"Ako na ang sasama sa'yo sa hospital." Pagpepresenta ni Wade.

"Wag na kaya ko namang magmaneho." Malamig na tugon ni Klea.

"If this is about yesterday, I'm sorry. Sobrang kulit mo kasi tapos yung way mo ng pagsasalita masyadong nakaka offend at mapanakit." Umiwas ng tingin si Wade kay Klea.

Tumalikod si Klea nang hinubad ni Wade ang kanyang suot na damit. Napalunok si Klea nang masilayan niya ang mga abs ng kanyang asawa. Hindi pa rin siya komportableng pakisamahan ang lalaking dahilan ng pagpapakamatay ng kanyang kaibigan.

"Maaalis ba ng sorry mo itong pasa ko sa braso at itong sakit sa balakang ko? Wag ka nang mag-abala kaya ko namang mag drive. Maghanap ka na lang ng magiging katulong natin dito sa mansyon."

Magsasalita pa sana si Wade nang biglang isara ni Klea ang pinto. Puyat na puyat si Klea kaya sobrang sakit ng ulo niya. Nang makarating siya sa labas ng mansyon ay tinawagan niya sa cellphone si Axie. Wala na siyang pakialam kung mag-away ulit ang dalawa kapag nagtagpo ang kanilang mga landas. Wala pang limang minuto ay nakarating na si Axie sa mansyon dahil hindi naman kalayuan ang bahay nina Don Lenel sa bahay ng mag-asawa.

"Okay ka lang ba? Hindi ka ba sinaktan ng magaling mong asawa?" Tanong ni Axie habang inilalabas ang sasakyan sa garahe. Sumusulyap-sulyap siya kay Klea habang nagcecellphone si Klea.

"I'm fine. Thank you for asking." Matipid na sagot ni Klea.

Nakarating sila ng hospital nang hindi gaanong nag-uusap. Medyo nailang si Klea sa kanyang personal bodyguard dahil sa nangyari kahapon. Si Axie naman ay pasimpleng sumusulyap kay Klea. Hindi na niya sinamahan si Klea sa room ni Don Lenel dahil alam niyang may pag-uusapang importante ang mag-ama.

Hindi malaman ni Klea ang kanyang nararamdaman nang makita niyang nakaswero ang kanyang Papa. Madami ring nakakabit na aparato sa matandang bilyonaryo.

"I didn't know na ganito na pala kalala ang sakit mo. Bakit di mo sinabi sa akin? Doon ko pa nalaman sa kabit mo ang tungkol kondisyon mo. Itinext niya sa akin." Mahinang sambit ni Klea habang ibinababa ang dala niyang mga prutas at paboritong wine ng kanyang Papa.

"Ayokong maabala ka at ayokong mag-alala ka. Alam ko namang mabigat ang responsibilidad na iniatang ko sa'yo. Hindi biro ang magpatakbo ng dalawang kompanya." Mabilis na tugon ni Don Lenel habang nakatitig sa kanyang nag-iisang anak.

Tumalikod si Klea at ipinagbukas ng prutas ang kanyang Papa. Pinipigilan niya ang pagpatak ng kanyang mga luha. Galit siya sa kanyang Papa pero hindi niya maikakaila sa kanyang sarili na siya na lamang ang natitira niyang pamilya. Kakamatay lang ni Shana at hindi pa siya handang mawalan ng isa pang mahal sa buhay.

"Eat this." Iniabot niya ang mangostein sa kanyang Papa bago muling nagsalita."I am not ready to say goodbye to you if ever.. kaya please lang magpagaling ka. Alam mo namang ikaw na lang ang meron ako. Kahit ganito akong klaseng anak, takot pa rin akong maiwan mag-isa. Kahit na hindi ka naging mabuting asawa kay Mama, I realized na naging mabuti ka namang ama sa akin."Klea uttered in a low voice.

Napaluha si Don Lenel sa sinabi ng kanyang anak. Buong akala niya ay balewala lang siya kay Klea kaya never siyang nag-open tungkol sa totoong kondisyon niya. Maya-maya pa ay niyakap siya ng mahigpit ni Klea.

"Papa." Tanging salitang binitawan ni Klea. Tumulo na nang tuluyan ang kanyang mga luha.

"I texted Wade. Pinapapunta ko siya rito ngayon. Bakit hindi pa kayo nagsabay? May problema ba kayong mag-asawa?" Don Lenel queried.

Umiling lang si Klea bilang tugon. Matapos mag-iyakan ng mag-ama ay naisipang buksan ni Klea ang usapin tungkol sa kanyang madrasta.

"I'm worried." Klea remarked.

Kumunot ang noo ni Don Lenel na tila ba naghihintay ng susunod na sasabihin ng kanyang tagapagmana.

"I am against your decision na ipahawak kay Matilda ang companies natin under banking and insurance industry. Wala akong tiwala sa kakayahan niya Papa." Paliwanag ni Klea.

"Anak, galit ka lang siguro sa kanya kaya hindi mo makita ang kakayahan niya. She's a Cum Laude before. Marami siyang alam pagdating sa pera at negosyo." Mahinahong saad ni Don Lenel.

"Papa it's not what I meant. I don't trust her and her daughter. It's not their money so I guess hindi magiging kawalan sa kanila kapag bumagsak ang negosyo. Sa dalawang taong kasama mo sila, alam mo na ba ang totoong kulay nila?" Klea raised her black eyebrows while peeling an apple.

"Since ikaw ang legitimate daughter ko, makikinig ako sa'yo pero sa isang kondisyon."

Napatayo si Klea sa kinauupuan niya nang marinig ang sinabi ng kanyang Papa.

"Ano na naman ba yan Papa? We're not getting any younger para sa mga ganyang pakulo." Reklamo ni Klea habang sinusubuan ng mansanas ang kanyang Papa Lenel. Agad na nginuya ni Don Lenel ang mansanas para makapagsalita siya ng malinaw.

"If you don't want Matilda to become the CEO of our bank and insurance company then I will appoint your husband to supervise it and another thing, bigyan nyo na ako ng apo. Gusto kong maranasang maging lolo bago ako kunin ni Lord." Nakangiting saad ni Don Lenel.

Nagdilim ang awra ni Klea. She doesn't trust Matilda pero hindi rin siya nagtitiwala kay Xynon at higit sa lahat, ayaw niyang magka-anak sa lalaking iyon.

"Papa don't do this to me please. You know I also don't like Xynon." Pagmamaktol ni Klea.

"Bakit naman ayaw mo sa anak ko Klea? Di ba sabi mo gusto mo sya kaya hiniling mo sa akin na planuhin ang kasal nyong dalawa?"

Nagulat ang mag-ama nang biglang pumasok si Wensley sa kwarto. Hindi nila namalayan ang pagdating nito.

"Kamusta ka na Lenel? Magpagaling ka agad at mag-aalaga pa tayo ng mga magiging apo natin haha."

Nagtawanan sina Wensley at Lenel samantalang hindi maipinta ang mukha ni Klea. Pansamantalang umalis si Klea para kausapin ang doctor ng kanyang Papa. Magrerequest din siya ng bagong personal nurse ni Don Lenel.

"Kamusta si Waine? I hope God will pardon him with more years to live." Don Lenel said in a serious tone.

"He's doing well. Salamat sa pagpapagamot mo sa kanya. Sobrang grateful ako sa'yo Lenel kaya kahit anong iutos mo sa akin gagawin ko talaga without hesitations. Just say it." Pahayag ni Wensley habang nakatingin ng diretso sa kanyang balae.

Dumaan ang ilang minutong katahimikan bago muling nagsalita si Don Lenel. Pumihit siya ng pagkakahiga sa direksyon ni Wensley. Ngumiti siya ng bahagya nang makita si Wade na nakasandal sa may pintuan at sinenyasan niyang wag munang lalapit sa kanilang dalawa ni Wensley.

"Be a father to Klea. Guide her whenever she's lost. Comfort her whenever she's down in the dumps. Love her when no one does. You can repay me with those." Don Lenel whispered.

Natigilan si Wensley sa sinabi ng kaibigan. Hindi niya inakala na iyon ang hihinging kabayaran ni Lenel sa kanilang mga pagkakautang. Nanunubig ang mga mata ni Wensley habang sumasang-ayon sa sinabi ni Don Lenel. Ayaw niyang maging emosyonal sa harap ng kanyang balae at anak na lalaki kaya agad siyang nagpaalam. Naiwan sina Don Lenel at Wade sa loob ng silid. Pinalapit ni Don Lenel si Wade sa kanyang pwesto.

"Ipagkakatiwala ko sa'yo ang dalawang kompanya ko. Don't disappoint me Wade. I will be your biggest investor kapag naging maganda ang pamamalakad mo sa bangko at insurance company ko. Kaya kong buhaying muli ang naluluging kompanya na iniwan sa'yo ng iyong Mama kung magiging tapat ka sa akin at sa aking anak na si Klea." Diretsahang saad ni Don Lenel sa kanyang manugang.

Ngumiti si Wade at buong-pusong tinanggap ang offer ng kanyang biyenan subalit hindi rin nagtagal ang kurba sa kanyang mukha nang sabihin ni Don Lenel na gusto na niyang magka-apo sa lalong madaling panahon.

Nang makita ni Klea na nasa loob ng silid si Wade ay hindi na siya bumalik sa room ng kanyang Papa. Inutusan niya ang doctor na bantayan ng ayos ang kalagayan ni Don Lenel. Hiniling din niya na isend agad sa email niya ang resume ng magiging bagong personal nurse ni Don Lenel. Inutusan niya si Axie na irecord ang pangalan ng mga bibisita sa kanyang papa. Mag-isang umalis si Klea sa hospital.

Habang nagmamaneho ay naisipan niyang dumaan sa libingan ng kanyang kaibigang si Shana. Masakit pa rin ang kanyang braso at balakang pero hindi niya iyon ininda dahil halos tatlong linggo na niyang hindi nabibisita ang kanyang kaibigan. Ulila na si Shana at gaya niya, nag-iisa siyang anak ng kanyang mga magulang. Sina Klea at Axie ang nag-intindi ng libing ni Shana. Si Klea rin ang gumastos sa pag-aaral noon ni Shana maging sa lahat ng gastusin ng dalaga.

Bumili siya ng dalawang bouquet ng bulaklak sa daan. Bumili rin siya ng paboritong pagkain ni Shana at ng kanyang Mama. Nang makarating siya sa Eternal Gardens ay dahan-dahan niyang ipinark ang kanyang sasakyan. Naglakad siya patungo sa puntod ng kanyang kaibigan na halos katabi lang ng puntod ng kanyang Mama. Una niyang dinalaw ang kanyang Mama pagkatapos ay ang puntod naman ni Shana.

"Kamusta ka na Shana? Sana masaya ka kung saan ka man naroroon. Sorry ha. Ano kasi...pinakasalan ko yung lalaking mahal na mahal mo pero don't worry, hindi ko siya gusto. Sorry din kasi alam kong hindi mo gusto itong ginagawa ko. Alam kong ayaw mo nang naghihiganti pero hindi ako matatahimik hanggat hindi ko nasisira ang buhay nina Xynon at Joanne. They had set us apart at hindi ko sila mapapatawad sa ginawa nila sa'yo."

Magarbo ang libingan ni Shana at ng kanyang Mama. Fully polished at pinturado ang bawat dingding.Nakatiles ang sahig at may dining area at single bed pa. Minsan ay doon natutulog si Klea sa tabi ng kanyang Mama o kaya ay sa tabi ni Shana. Hindi siya takot sa mga patay dahil mas takot siya sa mga may buhay. Nakatulog ng halos thirty minutes si Klea. Hindi niya namalayan ang pagdating ni Wade Xynon.

Punong-puno ng mga katanungan ang isip ni Wade habang pinagmamasdan ang natutulog na si Klea. Every week siyang bumibisita sa puntod ni Shana dahil nagi-guilty siya sa sinapit ng dati niyang kasintahan. Alam niya sa sarili niyang siya ang huling kasama ni Shana bago nag suicide ang dalaga.

Aaminin na ba ni Klea ang totoong koneksyon niya kay Shana o patuloy pa rin siyang gagawa ng kwento para mapagtakpan ang kanyang mga pinaplano laban kina Wade at Joanne?