Chapter 29 "Ang Anino sa Dilim"

Walang ibang maaaring puntahan si Intoy ng ganoong oras kundi ang bahay ng kapitan. Mga ilang beses din na nagtawag si Intoy at sa tulong ng mga nagtatahulang mga aso nito ay nagising ang kapitan ng kanilang lugar.

"Magandang gabi po kapitan" bati ni Intoy sa pupungas pungas pang matanda.

"Aba Intoy, madaling araw na ano bang atin may nangyari ba?" May pagaalalang tanong naman ng kapitan.

"Eh Kap, pasensya na po sa abala kaya lang po kailangan ko sana ng tulong nyo. Eh sarado na po kase ang mga tindahan at wala akong makatok , kailangan ko po sana ng gamot para sa mataas na lagnat Kap"

"Naku ganun ba sino ba ang may mataas na lagnat ang amain mo ba?

"Tekat maghahanap ako sa bahay, halikat pumasok ka muna" anyaya nito

"Huwag na po Kap maaabala pa kayo sa pagpapapasok sa mga aso, dito na lang po ako antayin ko kayo" Sabi ni Intoy.

"Oh siya bahala ka, sandali lang at kukuha ako alam ko may mga stock si misis eh"

Di naman nagtagal at muling umabas ang kapitan dala ang dalawang banig ng p