Kabanata 43

Kabanata 43

Nang nakatulog na ang anak ko ay lumapit na rin ako.

“Tulog na si Felecity. Puwede ka nang umalis,” ani ko habang na kay Felecity ang aking titig.

Nakita ko sa gilid ng mata ko ang pagsalubong ng kilay ni Yohan. Mukha siyang nainsulto at hindi sang-ayon sa sinabi ko. Pilit ko na lamang balewalain ang kanyang reaksyon.

“What do you mean by that, Fiona?” malamig niyang tanong at madilim na ang tingin sa akin. “Nakalimutan mo na ba? May usapan tayo…”

Uminit ang pisngi ko.

“A-Alam ko iyon.” Umupo ako sa kama. “Pero baka kasi makalimutan mo.”

Ngumisi siya. “You think I will forget about it?”

Tumango ako. “Hindi ko rin naman kasi alam kung saan mo ako dadalhin.”

Tumayo siya kaya napaangat ko ang tingin ko sa kanya. Inilagay niya ang kanyang kamay sa bulsa.

“Stay here. I get you something.”