Kabanata 59

Kabanata 59

Kahit ano ang pagbabalewala ko, naiisip ko pa rin talaga. Dapat tanggapin ko na lang na makikita ko na talaga siya palagi dahil parte siya ng buhay ni Yohan. Kung kaibigan siya, dapat doon lang din ang role niya. Wala siyang karapatan sa relasyon naming dalawa ni Yohan.

And if ever man ayaw sa akin ng parents ni Yohan, dapat ko na lamang siguro idistansya ang sarili ko, pero hindi kay Yohan kundi sa pamilya niya. I don't need to change myself in order for them to like me.

“Sino may birthday?” tanong sa akin ng tindera. Namimili kasi ako ng mga hindi pa bomba na balloons and other decorations.

Ngumiti ako sabay lapag ng bayad. “Anak ko.”

Natigil siya sa pagbigay ng sukli sa akin at pinasadahan niya pa ako ng tingin. “Mukha kang walang anak at saka may kamukha kang anak ng politiko.”

Bigla akong nanlamig. Tinanggap ko na ang sukli at saka mga binili ko. Kinabahan ako sa kanyang sinabi.