Chapter 34

Ginanap ang reception sa lugar ng mga Del Real. May malaking hardin at malaking gazebo. Para akong nasa ibang planeta dahil sa ganda ng tanawin. May fountain pa sa gilid na mas lalo pang ikinalula ko. Ang engrande na nga ng kasal, pati ba naman reception?

Nanlamig ang kamay ko dahil sa kaba. Nakaupo kami sa harap ng maraming tao. Binabati nila kami at may mga regalo pa sila sa amin. Sa pananamit pa lang ng mga tao na ito, alam ko na hindi sila basta-basta.

“Hindi ko akalain na may isang anak pa pala si Rodrigo,” sambit ng isang magandang matanda habang nasa malapit siya ng lamesa namin. “At kay ganda mo, hija! Kamukhang-kamukha mo si Alejandra noong kabataan niya.”

Kumunot ang noo ko. “Kilala mo ang Nanay ko?”

Tumango siya. “Siya ang asawa ni Rodrigo, ’di ba?”

Nagsalubong ang kilay ko. Ano ba ang pinagsasabi niya? Akmang magsasalita na sana ako nang biglang may isang kapareho ko ng