Chapter 33

Ilang araw na ang lumipas ay araw na ng kasal. Sobrang bilis ng pangyayari. Nakapikit ang mata ko habang inaayosan. Sobrang higpit ng kapit ko sa gown ko habang pinagsisilbihan nila ako.

Hindi ko maiwasan ang malungkot dahil wala si Nanay. Hindi ko alam kung bakit hindi siya pupunta pero siguro kinakahiya ni Papa. At hindi ko maiwasan ang magtanim ng kaunting sama ng loob. Mabuti na rin at hindi dadalo si Tita Taliana at Arissa.

“Puwede mo nang buksan ang iyong mata, Miss Alexa,” magalang na sambit ng make up artist.

Bumuga ako ng hangin at unti-unting inimulat ang aking mata. Nagulat ako dahil ibang-iba ang mukha ko nang lagyan nila ng make up. Nakalugay ang maikli kong buhok dahil plinantsa nila ito kanina. Pati ang bangs ko ay straight na straight.

“Ang galing niyo mag-make up,” puri ko habang nakatitig pa rin sa sarili sa salamin.

Nakita ko ang pagpula ng pisngi ng make up artist at saka nagpatuloy sa ginag