Kabanata 100.1

Hindi ko alam kung ano ang naisipan ng dalawa ko na kaibigan at dito kami nagpunta sa Garden Ridge. We don’t usually hang out here dahil lugar ito ng mga mayayaman at mayayabang. Ang isang bagay na hindi namin gusto na ginagawang tatlo ay mapunta sa mga ganitong lugar.

“At ano ang naisipan ninyo at dito tayo pumunta sa lugar na ito?” Naguguluhan na tanong ko.

“Relax, Atasha, tutugtog kasi rito ang Tribe kaya rito tayo dinala ni Icel. Alam mo naman iyan very supportive girlfriend sa boyfriend niya na bokalista.” sagot agad ni Sam.

“At ikaw naman? Ever supportive na ano kay Rain?” Balik –tanong ko naman kay Samantha.

“Hoy, Atasha, huwag ka nga maingay riyan. Pinagsasasabi mo.”

“Ngayon ko lang na-realize na ang dami mong boylet, Sam. Hinaharot mo na si Nathan, may drummer boy ka pa na si Rain tapos nadagdag pa si Kane sa pila. Ikaw na talaga, girl.” Minsan lang naman ako makabawi sa pang-aasar ni Sam kaya lulubos-lubusin ko na.

“Collect and select, Tash. Iyan na ang motto ko ngayon,