Kabanata 101 - Special Chapter 1 - Aldrick

Kabababa lamang ni Aldrick ng telepono, isang pagtawag buhat kay Colton ang kan’yang natanggap at hindi siya sigurado kung ikakatuwa niya ang balita na iyon dahil ang katotohanan ay nasasaktan pa rin siya hanggang sa ngayon.

Atasha accepted Colton’s proposal and they are getting married soon. And Aldrick is still at a loss. Hindi niya alam kung paano tuluyan na makakalimutan ang babae na nakatakda nang pakasalan ng kan’yang kapatid. Ang babae na magiging sister-in-law na niya.

Hindi niya maiwasan na magbalik-tanaw sa mga pinagdaanan nilang dalawa ni Atasha, sa naging kuwento ng buhay nila ng prinsesa.

-----

“Prinsipe Aldrick, gising ka na ba? Prinsipe Aldrick!” Ang boses na iyon ni Elon at ang sunod-sunod na pagkatok sa pintuan ng aking silid ang gumising at pumutol sa mahimbing na tulog ko.

“What is it, Elon? Fuck! Alam mo naman na puyat na puyat ako, bakit ang aga-aga mo na naman na nangangatok diyan?” Pasigaw na sagot ko habang hindi pa rin kumikilos mula sa aking pagkakahiga.