Kabanata 76

Isang linggo matapos ang muli na paggising ni Colton ay papunta kami sa kulungan upang tuluyan nang tapusin ang mga problema sa aming nakaraan. Napagpasyahan namin ni Colton na harapin sina Lia Madrigal at Ofelia Villagomeza upang matuldukan na ang bahagi ng buhay namin na kasama sila.

Alam namin pareho na kailangan namin gawin ang bagay na ito upang tuluyan na makalaya sa sakit na idinulot nila. We have to move on and in order to do that we have to put an end to the things that happened between all of us.

Wala ng takot sa puso ko ngayon para sa paghaharap namin na ito. Nalagpasan ko na ang yugto ng buhay ko na nabubuhay ako sa takot. Ang nais ko na lamang ay tuluyan na putulin ang ano man bahagi nila sa buhay namin.

Nakaupo kami ni Colton habang hinihintay ang paglabas ni Lia. Naging laman ng balita si Lia Madrigal sa mga nakalipas na linggo. At kahit na ano pa ang naging pakiusap ng mga magulang niya kay Celsius Mijares ay wala silang nagawa dahil hindi pumayag ang ama ni Colton n