Kabanata 30

Pagkabalik namin ni Nathan sa Royal Designs ay agad ako na nagkulong sa aking opisina. Takot. Nilulukuban ako ng matinding takot dahil sa sinabi na iyon ni Colton.

Gulong-gulo ang isip ko at hindi ko alam kung ano ang gagawin ko. Ang daming bahagi nang pag-uusap namin kanina ni Colton ang hindi ko mawaglit-waglit sa aking isipan.

Binigyan ako ni Nathan ng espasyo at pinabayaan ako na mag-isa muna sa aking opisina. Alam ko na hindi malayo na malaman na ni Colton ang katotohanan tungkol kay Ashira. At wala na akong magagawa sa pagkakataon na ito kung hindi ang aminin ang lahat-lahat.

Pero hindi ako sigurado kung paano maaamin sa kan'ya ang tungkol kay Cole. Kung nasabi na ni Kane sa kan'ya ang lahat nang nalalaman niya nang magpunta siya sa Genova ay maaari na alam na rin ni Colton na kambal ang anak namin.

Pero bakit si Ashira lamang ang itinanong niya sa akin kanina? Maaari kaya na hindi pa nasasabi ni Kane ang lahat sa kan'ya?

Sumasakit na ang ulo ko dahil sa malaking kasalanan n