Kabanata 73.1

“How is he?” tanong ko kay Samantha nang makapasok ako sa silid.

“He’s waiting for you. Pagkagising niya ay ikaw ang agad na una na hinanap niya. Nakatulog lang ulit pero maya-maya ay gigising na rin iyan kasi kailangan niya na uminom ng gamot.”

Tumango ako at inilagay sa lamesa ang ilang prutas na binili namin ni Aldrick kanina. Sa ospital kami muli na dumiretso ni Aldrick pagkagaling namin sa sementeryo. Iniwanan muna ako ni Aldrick upang ayusin ang ilan mga papeles at dokumento tungkol sa kaso ni Lia Madrigal.

“Kamusta ang kambal?” tanong ni Sam sa akin. Tumayo siya sa kinauupuan niya at lumakad patungo sa akin sa may lamesa kung saan ko inaayos ang mga pinamili namin.

“Maayos naman sila. They are with Aki and Nathan now.” maikli na sagot ko.

“How are you, Tash?” tanong niya pa sa akin.

Isa ito sa mga rason kung bakit mas pinipili ko na huwag magpakita sa aking mga kaibigan. Hindi ko alam kung paano sasagutin ang patuloy nila na pagtatanong sa akin kung kamusta na nga ba ako.