93 - Alam Ni Prince Damon Na Nagtatago Si Adira

Naningkit ang mata niya. "Sa tingin ko ay kilala mo kung sino ang mga iyon?"

Malungkot na tumingin sa kalangitan si Prince Damon. "Si King Cyrus — ang aking ama ang tinutukoy ko."

Gulat na muntik pang mabitawan ang hawak niyang tasa na may mainit na kape. "Anong sinasabi mo diyan?"

"Totoo iyon, siya ang salarin sa lahat ng nangyayari sa palasyo ng Stalwart Castle, kay Prince Dylan, at lalo na kay King Stephen."

"Teka, naguguluhan ako. Kahit isang beses ay hindi ko pinaghinalaan ang iyong ama dahil mas tingin ko ay ikaw ang gagawa ng hindi maganda."

Bahagya namang siya nitong pinanlakihan ng mata. "Hindi lahat nakikita sa paglabas lang na anyo, binibini!"

Nagkibit-balikat siya. "Ano naman ang dahilan ng ama mo at bakit magsisimula siyang magdeklara ng digmaan?"

Malungkot na ngumiti si Prince Damon. "Dahil sa ina ni Prince Dylan."

Unti-unting kumukunot ang noo niya. "May kwento ba ang sinasabi mo?"