Chapter 17 : Revisit

Sheena's POV

Hanggang kailan pa kayo ko maghihintay rito. Wala kong mapagsabihan ng mga plano ni Luna.

Hindi rin ako makaalis dito dahil panigurado ko na sasaktan nya ang aking mga magulang. Ayokong may masamang mangyari sa kanila.

Tahimik lang ako sa isang sulok habang tuluy tuloy ang kasiyahan dito sa palasyo. Hindi ko magawang magsaya dahil sa mga nangyayari na alam kong ikakapahamak nina Rhei.

Sana ay mapatawad nila ko. Matagal na kong kontrolado ni Luna. Nalalabanan ko lang pero simula noong binantaan na nya ko, iniwan ko si Rhei ng walang pasabi.

"Mamayang hatinggabi ay bibisita tayo sa Charm City!" Sigaw ni Luna

"Dadakpin natin ang Leviathan,at gagawin natin syang alipin."

Lahat ay nahiyaw sa tuwa.

Umalis na lang ako roon at pumunta sa aking kwarto. Nagpahinga na lang ako roon... Masyado nang kumplikado ang mga nagaganap.

Masyado ng makapangyarihan si Luna. Sana ay may makatalo sa kanya para matapos na itong delubyo na ito.

Ilang oras ang nakalipas at nagising ako sa pag alog sa aking mga balikat.

"Gumising ka na, Sheena! Aalis na tayo."

"G-Gray?"

Antok na antok pa ko pero pinilit kong bumangon.

"Pumunta ka sa central hall, naroon kaming lahat." utos ni Gray at lumisan ng kwarto ko.

Gabi na pala... Isasakatuparan na ni Luna ang kaniyang paglusob sa Charm City.

"Rhei..." bulong ko sa sarili ko.

"Bakit, Sheena?"

Nagulat ako sa tugon na iyon.

"Nasaan kang diwata ka? Bumalik ka na rito"! Galit na utos ni Rhei.

Nangiti ako, narinig kong muli ang boses nya," Pasensya ka na, Rhei... Ang masasabi ko lang ngayon ay maghanda kayo ngayong gabi kay Luna."

Natahimik sya saglit. Alam kong nag iisip na sya ng plano paano protektahan ang Charm City.

"Mag iingat ka dyan,Sheena."

Nagmamadali ang boses nya, hindi ko masabi kung galit ba s'ya o hindi.

Mahirap basahin si Rhei. Mabilis kong tinungo ang Central Hall.

Naroon na nga silang lahat. Tinabihan ko si Luna.

"Handa ka na ba makita at makipaglaban sa summoner mo,Sheena?"

May kakaibang ngiti sa mga labi ni Luna.

Hindi ko sya sinagot, Buti na lang at hindi nya ako sinaktan. Kadalasan ay kapag hindi ko sya sinasagot ay nahahampas ako o kaya ay hahatakin nya ang pakpak ko.

Nasa orb na ng staff nya ang Island Beast, patuloy lang iyong umiilaw, palatandaan na handa na iyong sumalakay.

Nag open na ng portal ang isang mage, portal papuntang Charm City.

******

Rhei's POV

"Rhei..." narinig ko na may tumatawag sa akin.

"Bakit, Sheena? " Tugon ko sa kanya, kahit hindi ko alam bakit nya kami iniwan nag aalala pa rin ako sa kanya.

Mahalaga si Sheena sa akin.

Sumaglit ang katahimikan nya. Nainis ako dahil nag aalala talaga ko sa fairy ko.

"Nasaan kang diwata ka? Bumalik ka na rito!"

Napasigaw na ako sa kanya, nag halo na ang pag aalala at galit.

Ramdam kong napangiti sya, nakausap ko muli ang boses nya. Alam kong takot sya, ramdam kong nasa panganib sya.

"Pasensya ka na, Rhei... Ang masasabi ko lang ngayon ay maghanda kayo ngayong gabi kay Luna."

Nainis ako noong narinig ko ang pangalan ng babaeng iyon.

Natahimik kami saglit.

Luna, anong plano mo ngayon? Hindi ka pa nadala noong nakaraang lusob mo sa syudad ng Charmers?

"Mag iingat ka dyan, Sheena." Ang tanging naisagot ko kay Sheena.

Nagmadali na ko patungo kay head master.

Tanging yabag ng paa at kabog ng dibdib ko ang naririnig ko.

Kinakabahan ako sa mangyayari.

Walang pasabi o pagkatok ay binukas ko ang pintuan ng kanyang silid, "Rhei, ano at..."

Di na nya naituloy ang nasabi nya, kahit hinihingal ako ay sinubukan kong ibuka ang aking bibig.

"Head master... S-si Luna... Lulusob sya ngayong gabi."

"Huwag ka ngang magbiro, Rhei. Kanino mo naman nalaman yan?" Tanong ni headmaster sa akin na tila naiinis.

"Hindi magandang biro yan, Rhei." Dagdag nya.

Habang hawak ko ang aking dibdib, patuloy ako sa paghabol ng aking paghinga.

Alam kong naiinip na si Regina, "Rhei!"

"Kay Sheena ko nalaman. Biglang nagkaroon sya ng telepathy."

"Tipunin mo na ang lahat papunta sa borders, kung kailangang umatake ay gawin nyo ang kailangan." Utos nya.

Dali dali akong tumakbo para hanapin ang mga charmers.

Halos maiyak na ko sa mga emosyong naghalu halo na.

Inis.

Galit.

Awa.

Saya.

Lungkot.

Sa bawat hakbang ko ay patuloy lang ang aking pagluha.

Di ko na napansin na dinala ako ng aking mga paa sa isang greatwood.

Umakyat muna ako sa isang malaking sanga nito bago ko ibinuhos ang mga luha at hikbi na kanina ko pa pinipigilan.

Kailangan ko ng kausap... Kailangan ko sya...

Napamahal na ko sa maingay at masayahing diwata na iyon...

Kahit minsan ay nakakainis na sya sa sobrang kulit, simula nang maging guro ako sa academy sya ang naging fairy ko. Lagi man syang nawawala dahil sa pakikipagkaibigan samga estudyante ko, pag tinawag naman sya ay mabilis syang pupunta pabalik sa akin.

"Rhei..." paulit ulit sa isipan ko ang boses nya. Kailangan ko syang iligtas kay Luna.

Hindi ko hahayaang mawala sa akin si Sheena...

Kinalma ko muna ang sarili ko, iniayos ko muna bago ko bumaba sa inakyatan kong Greatwood.

Hintayin mo ako Sheena, ililigtas kita.