You Need To Prepare for The Wedding

Pabalik na ng mansyon sina Tyra at Grey, habang nagmamaneho si Grey, si Tyra naman ay pilit binubuo ang mga nangyari sa buhay niya. Hindi niya lubos-maisip na mas hayop pa pala si Grey kaysa kay Maximo, isang mafia boss! Pumapatay at isang Drug dealer sa mga mayayamang tao. Kinakagat niya ang kaniyang sariling kuko habang iniisip paano siya makatakas. Bubuksan nalang ba niya ang kotse at tatalon siya? O aagawin niya ang manibela kay Mr. Grey para sabay-sabay nalang silang mawala sa mundong 'to?

Litong-lito na si Tyra kung ano ang kaniyang gagawin ngunit nagbago ang kaniyang isip nang pagtingin niya sa bintana ay naroon sa malaking gusali nakasabit ang malaking billboard ni Luviana, ang traydor niyang kaibigan na akala niya'y tinuring siyang mabuti. Nakasaad roon sa billboard na mag-opening ito ng kaniyang sariling negosyo na mga damit, Clothing business. Kinuyom niya ang kaniyang kamao at unti-unting tumutulo ang mga luha. Tiningnan niya si Maximo na kanina pa seryusong nagmamaneho. Huminga siya ng malalim at sabay nilahad ang kamay...

"Sige, Deal! Magtatrabaho ako sa opisina mo. Gagawin ko lahat ng i-utos mo."

Sa isip niya ay, sanay naman na siyang tratuhing parang di tao dahil kay Maximo kaya ipagpatuloy niya na itong pinasok niya. Sa puntong ito, wala na siyang pakialam kung saan hahantong ang lahat basta para sa kaniya, gusto niyang maghiganti kina Luviana at Maximo. Samantala, hindi nakipag shake hands si Grey sa kaniya, sinuklian lamang siya ng malalim na titig na siyang dahilan na binaba niya ang kaniyang kamay at tumingin muli sa bintana.

Tumunog ang cellphone ni Grey at agad niya rin itong sinagot.

"Boss, positive! Nakuha na namin lahat ng impormasyon sa legal na asawa ni Maximo," saad ng lalaki sa kabilang linya.

Biglang napapreno si Mr. Grey at halos mauntog ang ulo ni Tyra sa biglaang pag preno nito. Umaalingawngaw ang mga busina ng mga sasakyan sa kanilang likuran habang si Mr. Grey ay napatitig lamang kay Tyra habang ang cellphone ay nasa kaniyang tainga. Halos di maipinta ni Tyra ang mukha ni Mr. Grey ngayon para bang may halong pag-alala at pagkagulat sa kaniyang reaksyon. Maya-maya ay ibinaba rin nito ang cellphone at biglang hinawi ang buhok ni Tyra na tumakip sa kaniyang mata.

"Are you hungry?" tanong niya.

Hindi mawari ang naramdaman ni Tyra. Sa isip niya ay magtatanong lang pala pero halos mabunggo ang kaniyang ulo sa lakas ng pagpreno. Hindi maipaliwanag ni Tyra ang ugali ni Grey. Nakakatakot, matapang, masamang tao ngunit sa kabila ng lahat ng iyon ay may parte sa kaniyang puso na malambot.

"Oo, nakakagutom nga po."

"You need to prepare for the event, okay?"

"Sige po."

Biglang nilahad ni Mr. Grey ang kaniyang kamay na kanina pa sana hinintay ni Tyra.

"Deal!" pahabol niya.

Inabot naman ni Tyra ang kamay niya at tuluyan na silang nag shake hands.

-----------

Pagdating sa mansyon ay agad na pumasok si Tyra sa kaniyang kwarto. Napahiga na lamang siya sa hindi malamang nangyayari sa araw na 'to. Iniisip niya ang paghahanda sa kasal nila ni Maximo at Luviana kung sana alam

ni Mr. Grey na si Maximo ang hayop niyang ex- husband ay baka makahingi pa siya ng tulong. Iyan ang mga iniisip niya ngayon. Bigla naman itong napaigtad nang kumatok ang isang maid sa kwarto niya.

"Madam, dinner is ready!"

"Sige po, manang."

Naligo muna ito bago bumaba para mag-hapunan. Habang nagsasabon, napapaisip na lamang siya na mabuti naman na hindi sinasaktan ni Maximo ang may edad na maid dito sa bahay kaniyang bahay. Marami namang maid at guards si Maximo ngunit itong may edad na babae lamang ang halos pinagkatiwalaan ni Maximo. Ito lang rin ang nakakaakyat rito sa 2nd floor.

Pagbaba niya ay agad itong napa-upo nang makita ang mga dessert at sari-saring ulam sa hapag imbes na kukuha na ito ay biglang pinagkukuha ni Mr. Grey ang mga pagkain, lalo na ang mga dessert. Umawang na lamang ang mga labi ng mga maid na nakatuka sa kusina.

"Ano nanamang nangyari kay Boss Grey?" tanong ng isang maid.

"Ayan! Inataki nanaman ng masamang espiritu. Ano paba ang aasahan mo sa isang mafia? Puputi nalang ang uwak hinding-hindi magbabago ang ugali niyan," sagot ng pangalawang maid.

"At least, hindi niya tayo sinasaktan. Sinasahuran niya tayo ng tama at binigyan ng magandang tulugan," sagot naman nito.

"Umalis na kayo! Hayaan niyo na sila," bulalas naman ng may edad na maid sa kanilang dalawa.

Samantala, takang-taka si Tyra sa ginawa ni Mr. Grey.

"Ubusin mo 'yan." Sabay turo sa naiwang mga pagkain.

Napalunok ng wala sa oras si Tyra dahil ang mga naiwang pagkain ay mga vegatables salad: Caeser Salad, Carrot raisin salad, Marinated cucumber and tomato salad. Bagsak ang balikat at mabigat ang mga kamay habang kumakain. Iniwang rin siya agad ni Grey at pumanhik paakyat sa 2nd floor.

"Anong akala niya sa akin? Kambing?" bulong niya sa kaniyang sarili.

Samantala, mariin siyang tiningnan ni Mr. Grey mula sa hagdanan.

"Tyra, Kailangan mong magpapayat. Tutulungan kita sa paraang hindi mo malaman ang mga nalalaman ko," saad niya sa kaniyang isipan.

Tila nagbago ang mga plano ni Maximo. Sa halip na gusto niyang mabuntis si Tyra ngayon ay gusto na itong magpapayat, magpaganda at maging matapang.