Chapter 7: Secret VIP Bar

Pina- set up agad ni Grey ang mga gamit pang exercise sa dati niyang mini workout gym. Dati kasi ay laging nag e-exercise si Grey pero ngayon ay medyo malimit na ang kaniyang pagbuhat. May exercise parin pero halos jogging and boxing nalang pinagkakaabalahan nito. Nang naayos na ang lahat ay napatitig siya sa malapad na salamin. Naalala niya noong bata pa sila ng kapatid niya na lagi silang naglalaro noon sa workout room ng kanilang daddy. Sadly, he parted ways with his family- maalimoot ang storya ng buhay ni Grey pareho sila ni Tyra kaya gano'n na lamang ang kaniyang gusto na matulungan si Tyra na maghigante kay Maximo.

He knows everything about Tyra, vip client niya si Maximo pero di niya alam na may kinukulong pala itong asawa sa loob ng kaniyang mansyon. Ang akala niya'y malaya itong nagpapalit ng mga babae yun pala ay may na agrabyado na siyang asawa. He wants to help Tyra sa hindi malamang dahilan- maybe because magiging ina siya ng kaniyang anak o baka dahil pinapatibok na nito ang itlog este ang puso niya?

Bago niya nilisan ang workout gym ay nilibot muna niya ang tingin- "I know she will love the vibes here kapag masanay na siya." Sambit niya habang pinagmamasdan ang light pink na kulay pintura sa pader at may speaker pa ito kung sakaling gusto ni Tyra magpatugtog. Everything is so fine and aesthetic. Maaliwalas ang set-up parang hindi pang work-out gym.

Agad na sinara ang pintuan at pumanhik na sa kaniyang kwarto. Nang makalagpas na siya sa kwarto ni Tyra ay bumalik ito para silipin siya- dahan-dahan nitong binuksan ang siradura ngunit laking gulat niya nang kumot at unan na lamang ang nakahiga sa kama.

"F*ck!" sambit nito na may galit at pag-alala.

Tumingin siya sa kaniyang relo, it's 11:30 in the evening na kaya naisip niyang masyado ng gabi kung naglalakad 'yon mag-isa sa labas. Sinubukan niyang tawagan ngunit narinig lamang niyang tumunog sa loob ng kwarto. Agad siyang nagpatawag ng mga tauhan para hanapin si Tyra...

"Find her or else isa-isa ko kayong matitirikan ng kandila," bulyaw niya sa mga tauhan. Ganiyan siya kapag galit, nagiging halimaw at higit sa lahat pumapatay.

Samantala, mabilis na tumatakbo si Tyra sa madilim na daan mabuti nalang ay may dumaan na taxi.

"Saan ka bababa Miss?" tanong ng drayber.

"K-Kahit saan po." Nauutal sagot ni Tyra habang lumilingon sa likod.

Naisip niya lang bigla na tumakas na lamang sa mundong pinasok niya. Akala

niya ay makakaya niya ang lahat ngunit parang di niya kakayanin ang ugali ni Grey. Bahala na kung hindi siya agad makaganti kina Maximo, hahanap na lamang siya ng ibang paraan.

"Nandito na po Miss," saad ng drayber.

Agad na inabot ni Tyra ang pamasahe mabuti nalang ay naisipan niyang dalhin ang 300 Pesos na nakita niya lang sa cabinet. Walang-wala na talaga si Tyra ngunit sa isip niya ay bahala na kung anong mangyari. Pagbaba niya sa taxi ay nawindang naman itong binaba siya sa isang tindahan ng mga alak, sumilip siya ng kaunti at nagtataka itong bakit may pumapasok na mga kababaihan sa loob. Napapikit na lamang ito at tinapik ang noo nang napagtanto niyang naka lingerie dress lang siya at hulmang-hulma pa ang kaniyang dibdib. Napapaisip ito na baka akala ng drayber ay dito talaga ang destinasyon niya.

"Kuya naman, bakit dito mo pa ako binaba?" Saad niya sa kaniyang sarili habang nangangatog ang kaniyang tuhod dahil hindi na niya alam ano ang gagawin.

Palinga-linga ito sa kalsada ngunit natanaw niya sa unahan ang mga pamilyar na mukha.

"Sh!t! Mga tauhan ni Grey!" tarantang saad sa sarili at wala itong nagawa kundi umiigpaw papasok sa loob ng tindahan ng mga alak.

Hindi ito nagpapahalata sa mga tao roon sa loob ng tindahan. Nagulat siyang marami palang bumibili ngunit nang inusisa niya ang tindahan na ito ay may pintuan pa pala papasok ulit sa loob. Pumasok siya sa pintuan na iyon at nawindang siya sa tugtog at mga disco lights. Mga kalalakihan na halos naka-tuxedo na nakaupo sa mga mesa ang kaniyang nakita. Inosente siya sa mga ganitong bagay, naging bayaran siya kay Grey pero hindi niya kailanman ito naisip na pupunta sa ganitong lugar. Dahil sa huli ng lahat ng ito, siya ay anak parin ng mayaman na pamilya, pinalaking buhay prinsesa at mahinhin na babae.

Halos nahihilo na ito sa mga klase-klaseng ilaw sa loob. Tanaw niya ang mga malapad na ngiti ng mga lalaki habang may kalong-kalong na babae. Secret Vip bar pala itong napasukan niya babalik sana siya sa kaniyang dinaanan kanina ngunit nakasunod ang dalawang tauhan ni Grey. Nagmamadali siyang lumakad at nakarating siya sa dressing room ng mga kababaihang binebenta ang katawan. Tiningnan siya ng mga babae mula ulo hanggang paa. Halatang sa tingin palang ay nilait na ito dahil sa kaniyang katawan. Habang minamasdan niya ang mga babae ay naisip niyang baka ganiyang katawan ang gusto ni Grey para sa kaniya. Nagulat na lamang si Tyra nang bigla siyang hinila ng bakla.

"Oh! Anong binabagal-bagal mo diyan? Magsout kana ng maskara sa mukha," pagalit na sambit ng bakla habang sinasabitan naman siya ng number sa damit. Number 4 ang nilagay sa kaniya.

"Ano okay kana ba?" Sabay hila sa kaniya hindi na ito nakapalag sa bakla. Bigla nalang bumukas ang kurtina at pagbukas niyon ay nasa stage na siya kasama ang ibang mga babae.

Nanginig at kinabahan si Tyra sa puntong ito mabuti nalang talaga ay naka-maskara sila. Rinig na niyang nagsalita ang emcee.

"Number 1! Start with 100 thousand!" Sigaw ng bakla.

"150 thousand"

"250 thousand"

Iyan na lamang mga narinig niya sa paligid. Gusto na niyang tumakas ngunit nakita niya ang mga tauhan ni Grey bandang kaliwa. Hanggang sa tinawag na ang number niya.

"Number 4! Malaman ngunit makinis!" Sigaw ng bakla.

Nangatog ang kaniyang tuhod sa kaba na baka ano pa ang gagawin sa kaniya ng lalaking makabili sa kaniya ngayong gabi ngunit mas iniisip niya paano makatakas sa mga tauhan ni Grey. Tinatagan niya ang kaniyang loob. Sa isip-isip niya ay ma masahol pa ito sa ginawa ni Maximo sa kaniya noon, kaya sige! Bahala na.

"200 thousand," bid ng matandang lalaki.

"250 thousand," sagot ng matabang lalaki.

"800 thousand." Pamilyar na boses ang narinig ni Tyra.

"Okay! May hahabol ba?" Sigaw ng emcee.

Namawis ng malamig si Tyra nang na klaro niya ang mukha ng lalaking nag close deal sa kaniya... Si Maximo. Ang hayop niyang ex-husband. Hindi mawari ang naramdaman ni Tyra ngayon. Galit na may takot ang kaniyang nararamdaman. Agad na siyang pinapasok sa isang kwarto at hihintayin na lamang niya ang pagpasok ni Maximo. Tumingin ito sa paligid kung may bintana ba ang kwarto na ito ngunit wala talaga siyang malusutan. Nakaupo hawak ang sariling mga daliri... nakita niyang gumalaw na ang siradura ng pintuan.

"Where have you been, Tyra?" bulalas ni Grey pagkabukas ng pintuan.

Nanlaki ang mata ni Tyra, ang akala niyang si Maximo ang papasok ay si Grey pala.