CHAPTER 16: What are you expecting?

Kinabukasan, abala ang lahat sa kani-kanilang trabaho. Dahil magkakaroon ng party event sa venue ni Devon Donovan. Ang venue na ito ay kilala dahil ang may ari ay sikat din. Maging si Seraphina ay hindi pa nakikita ang sinabing venue ni Melissa.

"Lady Era, taon-taon may event sa De Van na ginaganap," paliwanag ni Hailey habang nag-aayos silang dalawa ng mga dapat i-print. Ang pangalan ng venue ay De Van at hindi naiiba ang venue nila tuwing may event.

"Anong event naman 'yon?" Dahil sa bago lang si Seraphina, wala itong alam sa mga event na nangyayare.

Iba-iba rin kasi ang event kada taon at minsan lang maulit. Dipende pa rin kay Devon kung ano ang plano nito. Lahat ng empleyado sa Donovan Industry ay dapat nandoon. May mga iba ring bisita, tulad ng mga sikat na kumpanya bukod sa Donovan Industry.

"Dipende 'yon Lady Era, at saka wala pang nababanggit si Melissa. Paniguradong wala pang sinasabi si boss." Sabay abot ni Hailey ng mga tapos ng print kay Serap